«ەڭبەكقورلىق جەتىسپەيدى»: ساپيەۆ نەگە وزبەك بوكسشىلارى مىقتى ەكەنىن ايتتى

2424
Adyrna.kz Telegram
فوتو: 365info.kz
فوتو: 365info.kz

وليمپيادا جەڭىمپازى سەرىك ساپيەۆ وزبەك بوكسشىلارىنىڭ نەگە مىقتى ەكەنىن ايتتى. بۇل تۋرالى “ستۋديا بوكسا ۆيكتورا يالىموۆا" Youtube ارناسىنا بەرگەن سۇحباتىندا ايتتى، دەپ حابارلايدى “ادىرنا” ۇلتتىق پورتالى.

اقپان ايىندا بولگاريادا وتكەن ستارندجا كۋبوگىندە ەل قۇراماسى ءبىر كۇمىس پەن ءبىر قولا عانا يەلەندى، ال وزبەكستان كومانداسى جەتى التىن، ءتورت كۇمىس جانە بەس قولا جەڭىپ العان ەدى.

قازاقستان التىنسىز قالعان كىشى ءاچ-دە وزبەكستان رەكورد ورناتتى.

سۇحباتتا «جالپى كوماندالىق ەسەپتە ازيا بىرىنشىلكتەرىن بىرنەشە رەت قاتار وزبەكستان ۇتىپ وتىر. نەگە ولاي؟» دەپ سۇراق قويىلدى.

“وزبەكستاننىڭ بوكس مەكتەبى ازيا اۋماعىندا ەڭ مىقتىلاردىڭ ءبىرى. ۇدايى بىزبەن باسەكەلەستىكتە بولدى. وتە ەڭبەكقور. قازاقستان قۇراماسىنا سونداي ەڭبەكقورلىق جەتىسپەيدى. ءبىز تەحنيكا مەن تاكتيكا تۇرعىسىنان مىقتىمىز. ال وزبەكتەر كوبىرەك جۇمىس ىستەۋگە قابىلەتتى، قازىر ولار كوبىرەك سوققى جاساپ، سونىڭ ارقاسىندا جەڭىسكە جەتۋدە. ولاردا بوكس دەڭگەيى ءوسىپ كەلەدى، وليمپياداداعى جەتىستىككە بايلانىستى. ودان كەيىن قازىرگى تاڭدا تورەشىلەردىڭ وزبەكستان بوكسشىلارىنا بۇيرەك بۇراتىنى ءبارىبىر بار. بۇل كورىنىپ تۇرادى”، - دەدى سەرىك ساپيەۆ.

پىكىرلەر