«حابار» تەلەارناسىندا كورسەتىلەتىن «ازامات» ينتەللەكتۋالدى باعدارلاماسىنىڭ جاڭا ماۋسىمىنا ىرىكتەۋ كەزەڭى اياقتالدى. ىرىكتەۋ تۋرنيرلەرى 2025–2026 وقۋ جىلى اياسىندا ەلىمىزدىڭ بىرنەشە وڭىرىندە ۇيىمداستىرىلدى.
ىرىكتەۋ استانا، الماتى، شىمكەنت، اقتوبە جانە پاۆلودار قالالارىندا ءوتتى. وعان قازاقستاننىڭ ءار وڭىرىنەن كەلگەن جوعارى وقۋ ورىندارىنىڭ ستۋدەنتتەرى قاتىسىپ، ويلاۋ دەڭگەيىن، ارگۋمەنتاتسياسىن جانە ازاماتتىق ۇستانىمىن كورسەتتى.
ىرىكتەۋ بارىسىندا قاتىسۋشىلاردىڭ ويدى جۇيەلى جەتكىزۋى، لوگيكاسى، سويلەۋ مادەنيەتى، ەرۋديتسياسى مەن كوشباسشىلىق الەۋەتى باعالاندى. ۇمىتكەرلەر الدىن الا بەلگىلەنگەن تاقىرىپتار بويىنشا ءسوز سويلەپ، بليتس-سۇراقتار مەن قوسىمشا باعالاۋ كەزەڭدەرىنەن ءوتتى.
قورىتىندىسى بويىنشا «ازامات» باعدارلاماسىنىڭ جاڭا ماۋسىمىنا قاتىساتىن 32 ۋنيۆەرسيتەت انىقتالدى. ىرىكتەۋدەن وتكەن كوماندالار الداعى كەزەڭدە رەسپۋبليكالىق دەڭگەيدە ءوزارا باق سىنايدى.
ايتا كەتەيىك، «ازامات» ينتەللەكتۋالدى باعدارلاماسى العاش رەت 2000-جىلداردىڭ باسىندا ەفيرگە شىعىپ، پىكىرسايىس مادەنيەتىن دامىتۋعا ىقپال ەتكەن جوبا رەتىندە تانىلدى. بۇگىندە جوبا جاڭارتىلعان فورماتتا قايتا ورالىپ، ەلدەگى جوعارى وقۋ ورىندارىنىڭ بەلسەندى قاتىسۋىمەن جالعاسىپ كەلەدى.
