تۇركيانىڭ انتاليا قالاسىندا قازاقستاندىق قازا تاپتى دەگەن اقپارات تارادى، دەپ حابارلايدى "ادىرنا" ۇلتتىق پورتالى.
جەرگىلىكتى باق دەرەگىنشە، جول اپاتىنان 27 جاستاعى قازاقستاندىق قۇبات امانبەكوۆ قازا تاپتى.
قايعىلى وقيعا تۇنگى ۋاقىتتا بەلەك كۋرورتتىق اۋدانىنداعى بارىش كوشەسىندە بولعان. جەرگىلىكتى باق مالىمەتىنشە، 43 جاستاعى جۇرگىزۋشى باسقارعان كوممەرتسيالىق تاكسي ۆەلوسيپەدپەن سوقتىعىسقان. ۆەلوسيپەدتى قۇبات امانبەكوۆ مىنگەن.
سوققى سالدارىنان جىگىت جولعا ۇشىپ كەتكەن. وقيعا كۋاگەرلەرى جەدەل جاردەم مەن پوليتسيا شاقىرعان. دارىگەرلەر كەلگەن كەزدە ونىڭ كوز جۇمعانىن انىقتادى.
مارقۇم انتاليانىڭ بەس جۇلدىزدى قوناقۇيىندە بارمەن بولىپ جۇمىس ىستەگەن.
تاكسي جۇرگىزۋشىسى پوليتسيا بولىمشەسىنە اپارىلعان.
ۇقساس جاڭالىقتار
