كونستيتۋتسيالىق رەفورما كەرەك پە؟ ءيا، كەرەك. سەبەبى ۋاقىت وزگەرەدى، سىن-قاتەر وزگەرەدى، قوعام دا وزگەرەدى. ال ەلدىڭ باستى زاڭى زامانعا ساي بولۋى ءتيىس.
حالىقپەن ونلاين تالقىلاپ، ءار ۇسىنىستى سارالاپ، سوڭعى شەشىمدى رەفەرەندۋم ارقىلى قابىلداۋ بۇل پرەزيدەنتىمىزدىڭ ساياسي باتىلدىعى. بۇل جاۋاپكەرشىلىكتى حالىقپەن ءبولىسۋ. ەل تاعدىرىن كابينەتتە ەمەس، قوعاممەن بىرگە شەشۋ.
بۇگىنگى كۇردەلى گەوساياسي جاعدايدا ستراتەگيالىق شەشىمدەردى كوپشىلىكپەن اقىلداسىپ قابىلداۋ السىزدىك ەمەس، كەرىسىنشە كەمەلدىك. قوعاممەن ءاردايىم ديالوگتا بولۋ – پرەزيدەنتىمىزدىڭ باستى ارتىقشىلىعى!
كونستيتۋتسيا زاڭگەرلەردىڭ عانا تىلىمەن جازىلعان قۇجات ەمەس. ول ءار ازامات وقىپ، تۇسىنەتىن، باعىت الاتىن شامشىراق بولۋى كەرەك. حالىق تۇسىنبەگەن زاڭ جۇمىس ىستەمەيدى.
بيزنەسكە نە كەرەك؟ تۇراقتىلىق. اشىق ءارى تۇسىنىكتى ەرەجە. ءادىل ويىن الاڭى. سوندا عانا ينۆەستيتسيا كەلەدى، سوندا عانا دامۋ بولادى.
رەفەرەندۋم تەك داۋىس بەرۋ ەمەس. بۇل ەلمەن سويلەسۋ مۇمكىندىگى. وسى ناۋقاندى پايدالانىپ، ءوڭىر مەن قالا باسشىلارى دا ماڭىزدى شەشىمدەرىن حالىقپەن اقىلداسىپ السا ۇتارىمىز كوپ، شىعىن از. حالىق قاتىسقان شەشىم بەرىك شەشىم.
مىقتى مەملەكەت حالىقپەن بايلانىسىن ۇزبەگەن مەملەكەت.
زاڭ قاعازدا ەمەس، سەنىمدە ءومىر سۇرگەندە عانا كۇشتى. باستىسى رەفەرەندۋمدى حالىقتى ءبىر باعىتتا بىرىكتىرەتىن ءىس شارا دەپ تانۋ كەرەك!
جۇمابەك جانىقۇلوۆ
