ناقىلمەن ەمەس ناقتى تسيفرمەن، سانمەن،
دولبارمەن ەمەس ءدال ەرەجەمەن، زاڭمەن سويلەيتىن الماتى وبلىسىنىڭ اكىمى بۇگىن ەردىڭ جاسى ەلۋگە تولدى.
مارات سۇلتانعازيەۆتىڭ بۇل قىزمەتتە وتىرعانىنا بيىل ماۋسىم ايىندا ءتورت جىل تولادى. وسى ارالىقتا الماتى وبلىسىنىڭ ءال-اۋقاتى اجەپتاۋىر جاقسارعان.
ماسەلەن، 2021 جىلى وبلىستىڭ سالىق تۇسىمدەرى 317 ملرد تەڭگە بولسا، بىلتىر ول 628 ملرد تەڭگەنى قۇراعان. ەكى ەسە ءوسىم.
2022-2025 جىلدار ارالىعىندا وبلىسقا 3,7 ترلن تەڭگە ينۆەستيتسيا تارتىلىپتى. بيىل جالپى قۇنى 620 ملرد تەڭگە بولاتىن 37 ينۆەستيتسيالىق جوبانى جۇزەگە اسىرۋ جوسپارلانعان.
ءبىر عانا مىسال، ەندى فۋتبول كورگەندە نارىنقولدىڭ كارتوبىنان جاسالعان Lays قىتىرلاق چيپسىلارىن جەپ وتىراسىز. ءشول باسامىن دەسەڭىز ءدال ءوزىمىزدىڭ وبلىستا وندىرىلگەن سۋسىنداردان ۇرتتاپ وتىرۋعا بولادى. سەبەبى، الماتى وبلىسى ازىق-تۇلىك، تەمەكى جانە سۋسىن ءوندىرىسى بويىنشا ەلىمىزدە ءبىرىنشى ورىندا تۇر.
تاڭداي جىبىتەتىن ماكسي چايدان باستاپ مۇرىن قىشىعاندا ىزدەيتىن الكوگولدى ىشىمدىكتەردىڭ ءبارى شىعارىلادى.
تىزە بەرسەم تىم كوپ. سىنىقتان باسقانىڭ ءبارى جۇعادى دەمەكشى، مەن دە اكىمدىككە جۇمىسقا كەلگەلى تسيفرمەن سويلەيتىن بولاپ بارامىن. وسىنداي جاتىق، تۇسىنىكتى تىلمەن جازىلعان اقپاراتتار قىزىق دەسەڭىزدەر الداعى ۋاقىتتا دا سالىپ تۇرايىن. ال، مارات ەلەۋسىزۇلىنا، تولاعاي تابىس، سارقىلماس كۇش-قايرات تىلەيمىن!
ۇقساس جاڭالىقتار
