بيىل مامىر ايىندا 5 جاسار قىزعا جىنىستىق سيپاتتاعى زورلىق-زومبىلىق جاسادى ايىپتالعان 22 جاستاعى جىگىتكە سوت ۇكىم شىعاردى. ول كىنالى دەپ تانىلىپ، 20 جىلعا باس بوستاندىعىنان ايىرىلدى، دەپ حابارلايدى "ادىرنا" پورتالى.
«30 قازاندا سوت ۇكىمىمەن سوتتالۋشى ازامات «كامەلەتكە تولماعانعا قاتىستى سەكسۋالدىق سيپاتتاعى زورلىق-زومبىلىق ارەكەتتەرى» بابى بويىنشا كىنالى دەپ تانىلدى. سوت وعان جازاسىن 20 جىلعا قاۋىپسىزدىگى ورتاشا تۇزەۋ كولونياسىندا وتەۋگە ۇكىم ەتتى. سونداي-اق وعان ءومىر بويىنا پەداگوگيكالىق قىزمەتپەن اينالىسۋ جانە كامەلەتكە تولماعاندارمەن جۇمىس ىستەۋ قۇقىعىنان ايىرۋ تۇرىندەگى قوسىمشا جازا تاعايىندادى. ۇكىم زاڭدى كۇشىنە ەنگەن جوق»، - دەدى تۇركىستان وبلىستىق سوتىنىڭ ءباسپاسوز حاتشىسى اسەت سەرىكباەۆ.
ەسكە سالايىق، جاعا ۇستاتارلىق وقيعا جارتى جىل بۇرىن ارىس اۋىلىندا بولعان. كۋاگەرلەردىڭ ايتۋىنشا، زورلاعان كورشىسى قىلمىستى كۇندىز جاساعان. كىشكەنتاي قىزدىڭ اكەسى اۋلادا كولىگىن جوندەپ جاتقاندا، قىزىن ۇيىنە جىبەرگەن. الايدا ءۇيدىڭ كىرەبەرىسىندە ونى پەدوفيل ۇستاپ العان. بالا ارەڭ دەگەندە ەر ادامنىڭ قولىنان سىتىلىپ سىرتقا شىعىپ، بولعان جاعدايدى اكەسىنە ايتىپ بەرگەن. جەرگىلىكتى تۇرعىندار پوليتسيانى كۇتپەي، پەدوفيلدى سوققىعا جىعادى. ولار ونى ءتارتىپ ساقشىلارى كەلگەنشە ۇستاپ تۇرعان.
سوتتالۋشى كىناسىن مويىنداپ، سول كۇنى ىشىنە جىن كىرىپ كەتكەنىن ايتقان. ونىڭ بويىن بيلەگەن «جىننىڭ كۇشى» سۋديانىڭ شەشىمىنە اسەر ەتە العان جوق. پەدوفيل ەندى بوستاندىققا 42 جاسىندا ءبىر-اق شىقپاق. قىز بالانىڭ تۋىستارى سوت ۇكىمىنە قارسىلىق بىلدىرمەدى.
