ەلورداداعى «استانا» فۋتبول كلۋبى BI Group كومپانياسىنىڭ نەگىزىن قالاۋشى ايدىن راحىمباەۆتىڭ قولداۋىنا يە بولادى، دەپ حابارلايدى "ادىرنا" ۇلتتىق پورتالى.
ۇكىمەتتەگى بريفينگ بارىسىندا تۋريزم جانە سپورت ءمينيسترى ەربول مىرزابوسىنوۆ "استانا" كلۋبىنا قىزىعۋشىلىق تانىتقان ينۆەستور بار ەكەنىن حابارلاعان ەدى.
ء"بىز قازىر بەلسەندى تۇردە جۇمىس ىستەپ جاتىرمىز، ينۆەستور بار. الايدا راسىمدەر تولىق اياقتالعانعا دەيىن ونىڭ كىم ەكەنىن جاريالاي المايمىز. دەگەنمەن ينۆەستوردىڭ بار ەكەنىن ناقتى ايتا الامىن", — دەگەن ەربول مىرزابوسىنوۆ.
ۆەدومستۆو باسشىسى كوممەرتسيالاندىرۋ كلۋبتىڭ قارجىلىق تۇراقتىلىعىن ارتتىرىپ، كاسىبي مەنەدجمەنتتى دامىتۋعا جانە سپورتتىق ناتيجەلەردى جاقسارتۋعا مۇمكىندىك بەرەتىنىن اتاپ ءوتتى.
الەۋمەتتىك جەلىدە بىرنەشە اۆتور كاسىپكەر ايدىن راحىمبايدىڭ كلۋبتىڭ دامۋىنا ينۆەستيتسيا سالۋعا كەلىسىپ، زاماناۋي فۋتبول اكادەمياسىن سالۋدى جوسپارلاپ وتىرعانى تۋرالى جارىسا جازعان. سونىمەن قاتار، كلۋبتى ۇستاۋعا جانە ينفراقۇرىلىمدى دامىتۋعا قارجى بولىنبەك.
بۇدان بولەك، باق مالىمەتىنشە، «سامۇرىق-قازىنا» قورى 2026 جىلعا ارنالعان بيۋدجەتتەن كلۋبقا بىرنەشە ميلليارد تەڭگە باعىتتاۋدى كوزدەپ وتىر. بۇل قاراجات «استانانىڭ» قازاقستان پرەمەر-ليگاسىندا چەمپيوندىققا تالاسۋىنا مۇمكىندىك بەرەدى.
