پوليتسەيلەر الماتىدا ادەپسىز سوزدەر ايتىپ، قوعامدىق ورىنداردى لاستاعان فۋتبول جانكۇيەرلەرىن جاۋاپقا تارتتى، - دەپ حابارلايدى “ادىرنا” ۇلتتىق پورتالى Polisia.kz سايتىنا سىلتەمە جاساپ.
«الماتى قالاسىندا بالاعات سوزدەر ايتىپ، قوعامدىق ورىندى لاستاعان فۋتبول جانكۇيەرلەرى جاۋاپكەرشىلىككە تارتىلدى. قۇقىق بۇزۋشىلارعا قاتىستى ۇساق بۇزاقىلىق، سپورتتىق ءىس-شارالاردا ءوزىن ۇستاۋ ەرەجەلەرىن بۇزعانى، قوعامدىق ورىندا الكوگولدىك ىشىمدىكتەر ىشكەنى ءۇشىن اكىمشىلىك شارا قابىلداندى.»، - دەدى ۆەدومستۆو باسشىسى، ءىىم رەسمي وكىلى شىڭعىس الەكەشەۆ.
الەكەشەۆ مۇنداي ارەكەت تەك فۋتبول جانكۇيەرلەرى ءۇشىن عانا ەمەس، بۇكىل ەلدىڭ يميدجىنە نۇقسان كەلتىرەتىنىن اتاپ ءوتتى.
«مۇنداي ارەكەتتەر فۋتبول جانكۇيەرلەرىنىڭ اتىنا عانا ەمەس، بۇكىل ەلدىڭ ابىرويىنا نۇقسان كەلتىرەدى. ءوز كوماندالارىڭىزعا قولداۋ كورسەتۋ دۇرىس، بىراق ءبارى زاڭ اياسىندا بولۋى ءتيىس. قارسىلاستار مەن باسقا ازاماتتاردى بالاعاتتاپ قورلاۋعا جول بەرىلمەۋ كەرەك»، - دەدى قۇقىق قورعاۋ ورگانىنىڭ وكىلى.
سونداي-اق باسقارما باسشىسى «زاڭ بارشاعا بىردەي» دەگەن قاعيدانى ساقتاۋ كەرەكتىگىن ەسكە سالدى:
«قۇرمەتتى ازاماتتار! ءىىم ەلىمىزدە "زاڭ مەن ءتارتىپ" قاعيداتىن قامتاماسىز ەتۋدى جالعاستىرادى. زاڭ بارىنە ورتاق. قوعامدىق ءتارتىپتىڭ بۇزىلۋىنا اكەلەتىن كەز كەلگەن ارەكەت ءۇشىن جاۋاپكەرشىلىك كوزدەلەدى»، - دەدى دەپارتامەنت باستىعى - ءىىم رەسمي وكىلى شىڭعىس الەكەشەۆ.
ەسكە سالا كەتسەك، وسىدان ءبىر اپتا بۇرىن 20 ءساۋىر كۇنى الماتى قالاسىنداعى، ورتالىق ستاديوندا “اقتوبە” فۋتبول كلۋبى مەن “قايرات” فۋتبول قۇراماسىنىڭ اراسىندا جولداستىق كەزدەسۋ وتكەن بولاتىن. ماتچ 3:1 ەسەبىمەن قوناقتاردىڭ پايداسىنا اياقتالدى. ويىن باستالماس بۇرىن جانكۇيەرلەر الماتى كوشەلەرىن شۋلاتىپ، شەرۋ ۇيىمداستىرىپ، جانكۇيەرلىك دابىل قاعىپ، ونىڭ اراسىندا ءبىر-ءبىرىن بوقتىق سوزدەرمەن بالاعاتتاپ ەلدىڭ نازارىنا ىلىككەن بولاتىن.
پوسموترەت ەتۋ پۋبليكاتسيۋ ۆ Instagram
