قىتاي بيلىگى قحر ورتالىق اسكەري كەڭەسى توراعاسىنىڭ ورىنباسارى چجان يۋسياعا جانە قحر واك بىرىككەن شتابىنىڭ باسشىسى ليۋ چجەنليگە قاتىستى ء«تارتىپ پەن زاڭدى بۇزۋ» دەرەكتەرى بويىنشا تەرگەۋ باستاعانىن مالىمدەدى. بۇل تۋرالى ەلدىڭ قورعانىس مينيسترلىگى ايتتى، دەپ حابارلايدى «ادىرنا» ءتىلشىسى.
«ورتالىق اسكەري كەڭەس توراعاسىنىڭ ورىنباسارى چجان يۋسيا جانە ورتالىق اسكەري كەڭەستىڭ بىرىككەن شتابىنىڭ باستىعى ليۋ چجەنلي ءتارتىپ پەن زاڭدى ورەسكەل بۇزدى دەگەن كۇدىككە ءىلىندى»، - دەلىنگەن حابارلامادا.
سونداي-اق قىتاي كوممۋنيستىك پارتياسى ورتالىق كوميتەتى چجان يۋسيا مەن ليۋ چجەنليگە قاتىستى رەسمي تەرگەۋ باستاۋ تۋرالى شەشىم قابىلداعانى اتاپ ءوتىلدى.
ايتا كەتەيىك، رەسمي حابارلامالاردا قولدانىلاتىن ء«تارتىپتى ورەسكەل بۇزۋ» تەرمينى ادەتتە شەنەۋنىكتىڭ سىبايلاس جەمقورلىققا قاتىسى بولۋى مۇمكىن ەكەنىن بىلدىرەدى.
اناليتيكتەردىڭ ايتۋىنشا، بۇل — قىتايدىڭ ساياسي تاجىريبەسىندە سيرەك كەزدەسەتىن جاعداي. سەبەبى اسكەري باسقارۋدىڭ ەڭ جوعارى ساتىسىنداعى ەكى تۇلعا تەرگەۋگە ءىلىنىپ وتىر. اسىرەسە ماماندار چجان يۋسيانىڭ تەرگەلۋىنە ەرەكشە نازار اۋدارۋدا. كوپ جىلدار بويى ونى قحر توراعاسى سي ءتسزينپيننىڭ ەڭ جاقىن اسكەري سەرىكتەستەرىنىڭ ءبىرى دەپ اتاپ كەلگەن.
