بۇگىن قازاق زيالىسى، اقىن، جازۋشى مىرجاقىپ دۋلاتۇلىنىڭ تۋعانىنا 140 جىل تولدى، دەپ حابارلايدى "ادىرنا" ۇلتتىق پورتالى.
مىرجاقىپ دۋلاتۇلى 1885 جىلى 25 قاراشادا بۇرىنعى تورعاي وبلىسىنىڭ جانگەلدين اۋدانىنداعى قىزبەل اتتى اۋىلدا ومىرگە كەلگەن.
قازاق اقىنى، جازۋشى، اعارتۋشى-پەداگوگ جانە الاش وردا ۇكىمەتىنىڭ بەلدى مۇشەسى اۋىل مولداسىنا وقۋعا بارىپ، كەيىن اۋىلدىق مەكتەپتە ورىس ءتىلىن مەڭگەرگەن. 1897 جىلى ول ەكى سىنىپتىق ورىس-قازاق ۋچيليششەسىنە ءتۇسىپ، وقۋىن تامامداعان سوڭ اۋىل مۇعالىمى ماماندىعىن العان. 1902 جىلدان باستاپ اۋىلدا مۇعالىمدىك قىزمەت اتقارا ءجۇرىپ، بوس ۋاقىتىندا ءبىلىمىن جەتىلدىرىپ، ادەبيەتكە اۋەستەنگەن.
مىرجاقىپ دۋلاتۇلىنىڭ شىعارماشىلىعى مەن قوعامدىق قىزمەتى قازاق زيالىلارىنىڭ دامۋىنا ەلەۋلى ۇلەس قوسقان. ول ءوز كەزەڭىندەگى قوعام ماسەلەلەرىن كۇن تارتىبىنە شىعارىپ، ەلدىڭ الەۋمەتتىك ءومىرىن جاقسارتۋ ءۇشىن تىنىمسىز ەڭبەك ەتكەن. «قازاق» گازەتىندە احمەت بايتۇرسىنوۆتىڭ ورىنباسارى بولىپ جۇمىس ىستەگەن مىرجاقىپ قالامىنىڭ كۇشى مەن پۋبليتسيستيكاسى ارقىلى گازەتتىڭ كورنەكتى دەڭگەيگە جەتۋىنە ۇلەس قوسقان.
سونىمەن قاتار، ول ايەل تەڭسىزدىگىنە قارسى شىعىپ، زامانداستارىنىڭ وزبىرلىق ارەكەتتەرىن اشكەرەلەگەن. ءومىرىنىڭ سوڭعى جىلدارىن سوسنوۆسك ستانتسياسىنداعى جازالاۋ لاگەرىندە اۋىر جاعدايدا وتكىزگەن مىرجاقىپ دۋلاتۇلى 1935 جىلى قايتىس بولدى.
