فوتو: Kaniuka Ruslan/Ukrinform/Future Publishing via Getty Images
ەو-نىڭ سانكتسيالار جونىندەگى ارنايى وكىلى دەۆيد و’سالليۆاننىڭ قازاقستانعا ساپارى كەيىنگى مەرزىمگە شەگەرىلدى، دەپ حابارلايدى "ادىرنا".
Report اگەنتتىگىنىڭ حابارلاۋىنشا، بۇل تۋرالى ەلىمىزدەگى ەو وكىلدىگىنىڭ ءباسپاسوز قىزمەتى مالىمدەگەن.
«ەو-نىڭ سانكتسيالار جونىندەگى حالىقارالىق ارنايى وكىلى دەۆيد و’سالليۆاننىڭ ساپارى، وكىنىشكە قاراي، سىرقاتىنا بايلانىستى كەيىنگە قالدىرىلدى. وسىعان بايلانىستى جوسپارلانعان ءباسپاسوز كونفەرەنتسياسى دا وتپەيدى»، – دەلىنگەن اقپاراتتا.
ەۋروپالىق وداقتىڭ ءباسپاسوز قىزمەتىنىڭ حابارلاۋىنشا، دەۆيد و’سالليۆاننىڭ ساپارى سىرقاتىنا بايلانىستى كەيىنگە شەگەرىلدى.
«ەو-نىڭ سانكتسيالار جونىندەگى حالىقارالىق ارنايى وكىلى دەۆيد و’سالليۆاننىڭ ساپارى، وكىنىشكە قاراي، سىرقاتىنا بايلانىستى كەيىنگى مەرزىمگە اۋىستىرىلدى. وسىعان بايلانىستى جوسپارلانعان ءباسپاسوز كونفەرەنتسياسى دا وتپەيدى. تۋىنداعان قولايسىزدىقتار ءۇشىن كەشىرىم سۇرايمىز»، – دەپ مالىمدەدى ەۋروپالىق وداقتىڭ ءباسپاسوز قىزمەتى.
ايتا كەتەيىك، بۇعان دەيىن دەۆيد و’سالليۆان ءۇش جىل ىشىندە بەسىنشى رەت قازاقستانعا ساپار جاسايىن دەپ جاتقانىن حابارلاعان ەدىك.
ەو ەلشىلىگىنىڭ ءباسپاسوز قىزمەتى حابارلاعانداي، دەۆيد و’سالليۆان 18-19 قاراشادا قازاقستانعا كەلىپ، رەسمي تۇلعالارمەن بىرقاتار كەزدەسۋلەر وتكىزۋى كەرەك بولعان.
و’سالليۆان قازاقستانعا بۇعان دەيىن ءتورت رەت كەلگەن. ەڭ العاشقى ساپار 2023 جىلعى قاراشادا، ەكىنشى رەت كەلۋى 2024 جىلعى ساۋىردە، ءۇشىنشى جۇمىس ساپارى 2024 جىلعى ماۋسىمدا، ءتورتىنشى رەت 2025 جىلعى قاڭتاردا وتكەن.
ەلشىلىك اتاپ وتكەندەي، ەۋروپالىق كوميسسيا سانكتسيالار جونىندەگى حالىقارالىق ارنايى ەلشىنىڭ لاۋازىمىن ەنگىزگەن. بۇل لاۋازىمنىڭ ماقساتى — ءۇشىنشى ەلدەرمەن جوعارى دەڭگەيدە ۇزدىكسىز تالقىلاۋ جۇرگىزىپ، رەسەيگە قارسى ەنگىزىلگەن شەكتەۋلەردى اينالىپ وتۋگە جول بەرمەۋ.
