پرەزيدەنت قاسىم-جومارت توقاەۆ پەن قاتار ءامىرى شەيح ءتاميم بەن حاماد ءال ءتاني تەلەفون ارقىلى سويلەستى. بۇل تۋرالى اقوردا جازدى، دەپ حابارلايدى "ادىرنا".
قاسىم-جومارت توقاەۆ قازىرگى كۇردەلى كەزەڭدە قازاقستان حالقىنىڭ قaتار ەلىمەن ىنتىماقتاس ەكەنىن جەتكىزدى. ول شەيح ءتاميم بەن حاماد ءال ءتانيدىڭ ساياسي كورەگەندىگىنىڭ ارقاسىندا وڭىردەگى شيەلەنىس ودان ءارى ۋشىعا قويماعانىن اتاپ ءوتتى.
مەملەكەت باسشىسى قاتاردىڭ ايماقتاعى ەڭ كۇردەلى ماسەلەلەردى شەشۋدە ماڭىزدى ءرول اتقاراتىنىنا توقتالدى. سونىمەن قاتار، تاراپتار ەكى ەل اراسىنداعى جوعارى دەڭگەيدەگى بايلانىستى ودان ءارى نىعايتۋعا ۋاعدالاستى. اڭگىمە بارىسىندا قaتار ءامىرىنىڭ قازاقستانعا جوسپارلانعان ساپارى دا ءسوز بولدى.
ەسكە سالا كەتەيىك، تاياۋ شىعىستاعى شيىلىنسكەن جاعدايدان كەيىن، يران اقش-تىڭ يراك پەن كاتارداعى اسكەري بازالارىن اتقىلاعان. قاتار مەن ءباا ۋاقىتشا اۋە كەڭىستىگىن جاپقان ەدى.
