2025 جىلعى 30 قازاندا باتىس قازاقستان وبلىسى، ورال قالاسىندا قازاقستان رەسپۋبليكاسى وقۋ-اعارتۋ مينيسترلىگىنىڭ رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعى تۋريستىك-ولكەتانۋ جانە ەكولوگيالىق-بيولوگيالىق باعىتتاعى ۇيىمدار باسشىلارىنىڭ كەڭەيتىلگەن وتىرىسىن وتكىزدى.
ءىس-شارادا بالالارعا قوسىمشا ءبىلىم بەرۋ جۇيەسىن دامىتۋدىڭ وزەكتى ماسەلەلەرى تالقىلانىپ، پەداگوگتەردىڭ كاسىبي شەبەرلىگىن ارتتىرۋ، تۋريزم مەن ەكولوگيالىق باعىتتاعى جوبالاردى جەتىلدىرۋ، تسيفرلىق تەحنولوگيالاردى ەنگىزۋ جانە وقۋشىلاردىڭ وتانسۇيگىشتىگى مەن ەكولوگيالىق مادەنيەتىن قالىپتاستىرۋ ماسەلەلەرى قاراستىرىلدى.
كەڭەس جۇمىسىنا مەملەكەتتىك ورگانداردىڭ، ءماسليحات دەپۋتاتتارىنىڭ، ءبىلىم بەرۋ ۇيىمدارى باسشىلارىنىڭ جانە باق وكىلدەرىنىڭ قاتىسۋىمەن پىكىر الماسۋ ءوتتى.
قازىرگى تاڭدا رەسپۋبليكادا 40 تۋريستىك-ولكەتانۋ ستانتسياسى مەن 13 ەكولوگيالىق-بيولوگيالىق ورتالىق جۇمىس ىستەيدى، وندا 36 مىڭنان استام وقۋشى ءبىلىم الۋدا. سونىمەن قاتار مەكتەپتەردە «جاسىل كلۋبتار» بەلسەندى دامىپ، ەكولوگيالىق جوبالار جۇزەگە اسىرىلۋدا.
جاز ايلارىندا تۋريستىك جانە ەكولوگيالىق لاگەرلەردە ميلليونعا جۋىق وقۋشى قاتىسىپ، تابيعاتتى زەرتتەۋ مەن قورعاۋ داعدىلارىن مەڭگەرەدى.
وتىرىس قورىتىندىسىندا بالالار ءتۋريزمىن دامىتۋ مەن ەكولوگيالىق تاربيەنى جەتىلدىرۋ بويىنشا ناقتى ۇسىنىمدار قابىلداندى. بۇل شارالار جاستاردىڭ پاتريوتتىق سەزىمىن نىعايتىپ، قورشاعان ورتاعا جاۋاپكەرشىلىكپەن قاراۋعا تاربيەلەۋگە باعىتتالعان.
