اقتاۋدا حالىقارالىق تۋريستىك فورۋم ءوتتى، ونىڭ شەڭبەرىندە مەديتسينالىق ءتۋريزمدى دامىتۋ ماسەلەلەرىنە ەرەكشە نازار اۋدارىلدى.
ءىس-شاراعا قر دەنساۋلىق ساقتاۋ ۆيتسە-ءمينيسترى ارداق امانگەلديەۆ، سونداي-اق مەديتسينا سالاسىنداعى وتاندىق جانە شەتەلدىك ساراپشىلار قاتىستى.
قاتىسۋشىلار جاعالاۋداعى تۋريستىك جانە ساۋىقتىرۋ ايماقتارىنا، سونىڭ ىشىندە «اققۇم»، «نۇر» جانە «سايا» ساناتوريلىك ورتالىقتارىنا باردى. ولار ينفراقۇرىلىمدى جوعارى باعالادى جانە ءوڭىردىڭ مەديتسينالىق-ساۋىقتىرۋ قىزمەتتەرى سالاسىنداعى ەلەۋلى الەۋەتىن اتاپ ءوتتى.
فورۋمنىڭ شەڭبەرىندە پانەلدىك سەسسيا ءوتتى، وندا جەتەكشى دارىگەرلەر مەن ساراپشىلار تاجىريبە الماسىپ، سالانى ودان ءارى ىلگەرىلەتۋ جولدارىن ۇسىندى.
ءىس-شارا سوڭىندا ماڭعىستاۋ وبلىسىندا دەنساۋلىق ساقتاۋ ۆيتسە-ءمينيسترى مەن مەديتسينالىق ۇيىمدار باسشىلارىنىڭ قاتىسۋىمەن مەديتسينالىق ءتۋريزمدى دامىتۋ جانە ساناتوريلىك-كۋرورتتىق ەمدەۋ ماسەلەلەرى بويىنشا كەڭەس ءوتتى.
