بۇگىن ورالداعى مەكتەپتەردىڭ بىرىندە گاز باللونى جارىلىپ، ءورت شىقتى. بۇل تۋرالى «ادىرنا» ۇلتتىق پورتالى كتك تەلەارناسىنا سىلتەمە جاساپ حابارلايدى.
وقيعا ورالدىڭ شەتىندەگى دەركول ەلدى مەكەنىندە بولعان. مەكتەپتىڭ شاتىرىنا جۇمىسشىلار قارا قاعاز توسەپ، بيتۋم قۇيىپ جاتقان. جۇمىسشىلار بيتۋمدى وت جاعىپ ەرىتپەكشى بولىپتى. وت تۇتانعاندا سول جەردەگى گاز باللونىنا ءتيىپ جارىلىس بولعان.
ابىروي بولعاندا، ول كۇنى ونەر مەكتەبىندە ساباق اياقتالىپ، عيماراتتا ەشكىم بولماپتى. ءبىلىم وشاعىنا جاپسارلاس ورنالاسقان بەس قاباتتى ۇيگە دە زالال تيگەن. دەگەنمەن ءورت سوندىرۋشىلەر جالىندى دەر ۋاقىتىندا ءسوندىرىپ ۇلگەرگەن.
قازىر مەكتەپتىڭ ءىشى دىم بولماعانداي تاپ‑تازا. تەك ىستىڭ ءيىسى عانا بار. جۇمىسشىلار ءورت ءسوندىرۋ كەزىندە سىنعان تەرەزەلەردى قايتا جاڭارتىپ جاتىر. ال ءورتتىڭ كىمنىڭ كەسىرىنەن شىققانىن تەرگەۋشىلەر انىقتايدى.
«شاتىر ماتەريالىن توسەگەندە جارىلىس بولعان. ءورت سوندىرۋشىلەردىڭ جەدەل ارەكەتىنىڭ ارقاسىندا كورشى ورنالاسقان عيمارتتارعا وتۋىنە جول بەرىلمەدى. سەبەپتەرى انىقتالۋدا. قازا تاپقاندار مەن زارداپ شەككەندەر جوق» , – دەدى بقو تجد اعا انىقتاۋشى الىشەر رافيح.
«ادىرنا» ۇلتتىق پورتالى
