الماتىداعى ءال-فارابي اتىنداعى قازاق ۇلتتىق ۋنيۆەرسيتەتىندە (قازۇۋ) جاتاقحانا ماسەلەسىنە قاتىستى داۋ تۋىندادى. جوعارى وقۋ ورنىنا دەيىنگى ءبىلىم بەرۋ فاكۋلتەتىنىڭ بىرقاتار ستۋدەنتى جاتاقحانادان ورىن بولۋدە ادىلەتسىزدىك بار ەكەنىن ايتىپ شاعىمدانۋدا. بۇل تۋرالى Qazaq Today جازدى، دەپ حابارلايدى “ادىرنا”.
ستۋدەنتتەردىڭ ايتۋىنشا، قىتاي، وزبەكستان جانە موڭعوليا ەلدەرىنەن كەلگەن ەتنيكالىق قازاقتار (قانداستار) ۋنيۆەرسيتەت جاتاقحاناسىنان ورىن الا الماي، قالا شەتىندەگى اۋدانداردان قاتىناپ وقۋعا ءماجبۇر. ولاردىڭ كوبى 16–17 جاستاعى جاستار بولعاندىقتان، ساباق كەش اياقتالاتىن كۇندەرى ۇيگە قايتۋ كەزىندە قاۋىپسىزدىك ماسەلەسى تۋىندايدى.
ال ستۋدەنتتەردىڭ مالىمدەۋىنشە، ءدال وسى فاكۋلتەتتەگى كەيبىر اقىلى بولىمدە وقيتىن شەتەلدىك ستۋدەنتتەر جاتاقحانامەن تولىق قامتاماسىز ەتىلگەن. بۇل جاعداي وقۋ ورنىنداعى ءبولىنۋ تەتىكتەرىنە قاتىستى سۇراقتار تۋعىزۋدا.
قازۇۋ اكىمشىلىگى ازىرگە بۇل ماسەلەگە قاتىستى رەسمي تۇسىنىكتەمە بەرگەن جوق.
بۇعان دەيىن ۋنيۆەرسيتەت اتى بىرنەشە رەت ءتۇرلى داۋلارمەن اتالعان بولاتىن.
ماسەلەن، وسىعان دەيىن قازۇۋ باسشىلىعىنا قاتىستى ۋنيۆەرسيتەتتىڭ باعالى جەر تەلىمدەرىن ساتۋ بويىنشا جەمقورلىق داۋى بولعان ەدى.
ال وسى جازدا الماتىدا قازۇۋ ستۋدەنتىنىڭ 14-قاباتتان سەكىرىپ، وزىنە-ءوزى قول جۇمساپ قايتىس بولعانى تۋرالى قايعىلى حابار تارادى.
وتكەن جىلى «پاكتىك ءتىزىمى» (سپيسوك دەۆستۆەننيتس) تارالسا، ەندى، مىنە، جاتاقحانا توڭىرەگىندەگى كەزەكتى داۋ تۋىنداپ وتىر.
