ءماجىلىس كۋلۋارىندا دەپۋتات ازات پەرۋاشەۆ بۇعان دەيىن قازاقستاندى «شترافستان» دەپ اتاعان مالىمدەمەسىنە قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
«وتكەن جىلى وسىنداي مالىمدەمە جاساعان كەزدە مەن بۇل ءسوزدىڭ قاتە ەكەنىن مويىندادىم. پارلامەنتاريلەر ءسوزدى ابايلاپ ءارى سالماقتاپ ايتۋى ءتيىس. مەن مۇنى ءبىر جىل بۇرىن ايتقانمىن. كەشە پرەزيدەنت تەك مەنى عانا ەمەس، باسقا ادامداردى دا سىنعا الدى. بۇل – جۇمىس، بۇل – ءومىر. ءبىز مەملەكەت باسشىسىنىڭ سىنىن قابىلداپ، ودان ساباق الىپ، ءارى قاراي جۇمىس ىستەۋىمىز كەرەك»، – دەدى پەرۋاشەۆ.
سونداي-اق ول قازاقستاننىڭ «شترافستان» ەمەس ەكەندىگىن اتاپ ءوتتى.
ء«بىزدىڭ ەلىمىز – قازاقستان، ول «شترافستان» ەمەس. ءبىز – وركەنيەتتى مەملەكەتپىز»، – دەپ قوستى دەپۋتات.
پەرۋاشەۆ بۇعان دەيىن كاسىپكەرلەرگە سالىناتىن شامادان تىس ۇلكەن ايىپپۇلداردى سىناۋ بارىسىندا قازاقستاندى «شترافستان» دەپ اتاعان ەدى.
ەسكە سالايىق، كەشە پرەزيدەنت قاسىم-جومارت توقاەۆ الاتاۋ قالاسىن دامىتۋ جونىندەگى كەڭەستە «شترافستان، ايىپپۇلستان» دەگەندەردى سىنعا العان بولاتىن.
