سانكت-پەتەربۋرگ – باكۋ باعىتىنداعى Azerbaijan Airlines (AZAL) كومپانياسىنىڭ Airbus A320 ۇشاعى تەحنيكالىق سەبەپكە بايلانىستى پۋلكوۆو اۋەجايىنا قايتا ورالدى، دەپ حابارلايدى "ادىرنا" ۇلتتىق پورتالى.
كومپانيانىڭ حابارلاۋىنشا، رەيستىڭ كاپيتانى ءشاسسيدىڭ جۇمىسىنا قاتىستى تەحنيكالىق اقاۋ انىقتالعان سوڭ، قاۋىپسىزدىك ماقساتىندا اۋەجايعا قايتۋ تۋرالى شەشىم قابىلداعان.
بارلىق قاۋىپسىزدىك شارالارى ساقتالىپ، ەكيپاج قونۋ الدىنداعى قاجەتتى تەحنيكالىق ارەكەتتەردى ورىنداعان.
اۋەجايدىڭ قۇتقارۋ قىزمەتتەرى دە تولىق دايىندىقتا بولعان.
ۇشاق باكۋ ۋاقىتىمەن 04:43-تە پۋلكوۆو اۋەجايىنا قوندى. قونۋ كەزىندە اۋە كەمەسى ۇشۋ-قونۋ جولاعىنان ءسال شىعىپ كەتكەنىمەن، ەشكىم زارداپ شەككەن جوق.
بارلىق 155 جولاۋشى دەر كەزىندە ەۆاكۋاتسيالاندى.
جولاۋشىلاردى باكۋگە جەتكىزۋ ءۇشىن Azerbaijan Airlines باسقا ۇشاقتى جىبەردى.
