فوتو: DM
فرانتسيا پرەزيدەنتى ەممانۋەل ماكرون مەن يسلانديا پرەمەر-ءمينيسترى كريسترۋن ءفروستادوۋتتيردىڭ كەزدەسۋى نازار اۋدارتتى، دەپ حابارلايدى "ادىرنا".
وقيعا دۋبليندە وتكەن ەۋروپا ساياسي قوعامداستىعىنىڭ وتىرىسىندا بولعان.
ولاردىڭ امانداسۋ ءساتى ءباسپاسوز وكىلدەرىنىڭ كامەراسىنا ءتۇسىپ قالدى.
كەزدەسۋ بارىسىندا ماكرون يسلانديا ۇكىمەتىنىڭ باسشىسىمەن امانداسۋ ءۇشىن ەڭكەيىپ، ونى قۇشاقتاۋعا ارەكەت جاساعان. الايدا فروستادوۋتتير ءبىر قادام كەيىن شەگىنىپ، قۇشاقتاۋدان جالتارعان. سوعان قاراماستان، ول قولىن فرانتسيا پرەزيدەنتىنىڭ يىعىنان الماعان.
جاريالانعان فوتوسۋرەتتە يسلانديا پرەمەر-ءمينيسترىنىڭ ءسال ىڭعايسىز كۇيدە فوتوگرافقا قاراعانى بايقالادى. ال ماكرون كۇلىمسىرەپ، اڭگىمەلەسۋشىسىنە قاراي ەڭكەيگەن.
بۇل كەزدەسۋ ەۋروپا قۇرلىعى ەلدەرى باسشىلارىنىڭ باسىن قوسقان ەۋروپا ساياسي قوعامداستىعىنىڭ دوڭگەلەك ۇستەلى اياسىندا ءوتتى.
