فوتو: Anadolu Ajansi
ساۋد ارابياسىنىڭ نادجران ايماعىندا بارلاۋ تىكۇشاعى اپاتقا ۇشىراپ، سالدارىنان ەكى وفيتسەر قازا تاپتى. اپاتقا تەحنيكالىق اقاۋ سەبەپ بولعانىن ساۋد ارابياسى باستاعان اراب كواليتسياسى حابارلادى، دەپ جازادى “ادىرنا”.
كواليتسيانىڭ وكىلى، گەنەرال-مايور تۋركي ءال-ماليكيدىڭ مالىمدەۋىنشە، ساۋد ارابياسىنىڭ ۇلتتىق ۇلان مينيسترلىگىنە تيەسىلى AH-6i تىكۇشاعى نادجران ايماعىندا تەحنيكالىق اقاۋعا بايلانىستى اپاتقا ۇشىراعان.
ونىڭ ايتۋىنشا، اۋە كەمەسىنىڭ ەكيپاج قۇرامىنداعى ەكى وفيتسەر قازا تاپقان.
ءبىر كۇن بۇرىن يران قولدايتىن يەمەندىك حۋسيتتەر ساۋد ارابياسىنا تيەسىلى Apache تىكۇشاعىن ەلدىڭ وڭتۇستىگىندەگى نادجران قالاسىنىڭ ماڭىندا اتىپ تۇسىرگەنىن مالىمدەگەن بولاتىن.
ونىڭ مالىمەتىنشە، اپاتقا ۇشىراعان AH-6i تىكۇشاعىنىڭ بورتىندا ەكى ەكيپاج مۇشەسى بولعان – ولار قازا تاپقان. تىكۇشاق ساۋد ارابياسىنىڭ ۇلتتىق گۆارديا مينيسترلىگىنىڭ باقىلاۋىنداعى اۋماققا قۇلاعان.
اپات ايماقتاعى قاقتىعىستىڭ ۋشىعىپ تۇرعان كەزىندە بولعانى اتاپ ءوتىلدى. كەيىنگى اپتالاردا نادجران اۋدانى حۋسيتتەردىڭ شابۋىلىنا ۇشىراپ جاتىر.
