فوتو جي-مەن جاسالعان
اقش-تىڭ فەدەرالدىق ازاماتتىق اۋە باسقارماسى ەل اۋماعىنداعى بارلىق اۋەجايدان ۇشاقتاردىڭ ۇشۋىنا قويىلعان شەكتەۋدى الىپ تاستادى، دەپ حابارلايدى “ادىرنا”.
بۇل تۋرالى باسقارمانىڭ رەسمي حابارلاماسىندا ايتىلعان.
بۇعان دەيىن اۋە قوزعالىسىن باسقارۋ جۇيەسىندەگى تەحنيكالىق اقاۋعا بايلانىستى ەلدەگى بارلىق اۋەجايدان ۇشىپ شىعاتىن رەيستەر ۋاقىتشا توقتاتىلعان ەدى.
باسقارما مالىمەتىنشە، شەكتەۋ اۋە ديسپەتچەرلەرى جابدىقتارىنىڭ ىستەن شىعۋىنا بايلانىستى ەنگىزىلگەن. سونىڭ سالدارىنان 5 117 رەيس توقتاتىلىپ، 9 814 رەيس كەشىككەن. شامامەن 1,5 ميلليون اۋە جولاۋشىسىنىڭ رەيسى كەشىككەن.
اقش-تىڭ ىشكى قاۋىپسىزدىك ءمينيسترى ماركۆەين ماللين وقيعاعا قاتىستى تەرگەۋ باستالعانىن ايتتى. ونىڭ ايتۋىنشا، ازىرگە بۇل جاعدايدىڭ قاساقانا جاسالعان شابۋىل ەكەنىنە ەشقانداي بەلگى جوق. الدىن الا مالىمەت بويىنشا، ماسەلە تەلەكوممۋنيكاتسيا جۇيەسىندەگى اقاۋدان تۋىنداعان.
كەيىن باسقارما ينفراقۇرىلىمنىڭ جۇمىسى قالپىنا كەلگەن سايىن كەيبىر رەيستەردىڭ ۇشۋىنا رۇقسات بەرىلەتىنىن حابارلاعان.
قازىر ەلدەگى بارلىق اۋەجايدان ۇشۋعا قويىلعان شەكتەۋ تولىق الىندى.
