فۋكۋوك – ەكاتەرينبۋرگ باعىتىمەن ۇشقان SCAT Airlines اۋە كومپانياسىنىڭ رەيسىندەگى جولاۋشىلار تاراز اۋەجايىندا كىدىرىپ قالدى، دەپ حابارلايدى «ادىرنا» ءتىلشىسى.
ۇشاق قازاقستانعا جوسپارلى تۇردە جانارماي قۇيۋ ءۇشىن قونعان. جولاۋشىلاردىڭ ايتۋىنشا، بۇل پروتسەسس شامامەن ءبىر ساعاتقا عانا سوزىلۋى كەرەك بولعان. الايدا رەيس بىرنەشە رەت كەيىنگە شەگەرىلگەن. ناتيجەسىندە 217 ادام اۋەجايدا ءىس جۇزىندە قامالىپ قالعان. ولاردىڭ اراسىندا بالالار دا بار.
جولاۋشىلار اۋە كومپانياسىنىڭ وكىلدەرى ۇزاق ۋاقىت بويى ناقتى تۇسىنىكتەمە بەرە الماعانىن، ال «جەدەل جەلىدە» ەشكىم جاۋاپ بەرمەگەنىن مالىمدەدى.
قۇجات بويىنشا قابىلداۋشى تاراپ رەسەي بولعاندىقتان، ادامدارعا ترانزيت ايماعىنان شىعىپ، قازاقستان اۋماعىنا كىرۋگە تىيىم سالىنعان.
SCAT Airlines ءباسپاسوز قىزمەتى بۇل جاعدايعا قاتىستى تۇسىنىكتەمە بەردى.
«ۇشاقتى ۇشۋعا دايىنداۋ بارىسىندا قوسىمشا تەحنيكالىق قىزمەت كورسەتۋ قاجەتتىلىگى انىقتالدى. كۇتۋ كەزىندە جولاۋشىلارعا ءۇش رەت تاماق بەرىلدى. سونىمەن قاتار سالقىن جانە ىستىق سۋسىندار، كورپەلەر تاراتىلدى. بارلىق تەحنيكالىق جۇمىس اياقتالدى، اۋە كەمەسى رەيستى ورىنداۋعا دايىندالىپ جاتىر»، — دەلىنگەن حابارلامادا.
اۋە كومپانياسى جولاۋشىلاردان كەلتىرىلگەن قولايسىزدىقتار ءۇشىن كەشىرىم سۇرادى.
