بۇعان دەيىن بىرقاتار مەملەكەتتىك ورگاندارعا جولدانعان ويىن بيزنەسىنە قاتىستى مەنىڭ دەپۋتاتتىق ساۋالىمدى ءبىراز باق پەن ينتەرنەت رەسۋرستار كوشىرىپ جاريالاۋدا. البەتتە، ورتاق ەلدىك مۇددەگە سايكەس ىقىلاس بىلدىرگەن ماسس-مەديا وكىلدەرىنە راقمەت ايتامىن.
بىراق مەنىڭ قازاق تىلىندە جولدانعان دەپۋتاتتىق ساۋالىمدى ورىس تىلىنە اۋدارعان جاريالانىمداردا بىرەر جاڭساقتىققا جول بەرىلگەن. وسىعان وراي پارلامەنت قابىلداپ، رەسپۋبليكا پرەزيدەنتى قول قويعان «ويىن بيزنەسى تۋرالى» قر زاڭى بويىنشا قۇرىلعان بىرىڭعاي ەسەپ جۇيەسىنىڭ (بەج – ەسۋ) قولدانىلۋ بارىسىنا سايكەس بىرقاتار تۇسىنىكتەمە بەرۋ قاجەت بولىپ تۇر. مەنىڭ پىكىرىمدى ەركىن پايدالانعان ينتەرنەت رەسۋرستاردىڭ دەنى ورىس ءتىلدى بولعاندىقتان، مەن دە ءوز تۇسىنىكتەمەمدى ورىسشا اۋدارما نۇسقاسىندا ۇسىنۋدى ءجون كوردىم. (وتدەلنوە سپاسيبو پەرەۆودچيكام ماجيليسا پارلامەنتا رك!).
سونىمەن بىرگە، كاسىبي ارىپتەستەرىمە رەسمي قۇجات ۇلگىسىندەگى دەپۋتاتتىق ساۋالدى باسپاسوزدە مازمۇنداۋ كەزىندە ۇقىپتى بولۋدى ەسكەرتكىم كەلەدى! دەرەكتەر مەن ارگۋمەنتتەر بۇرمالانعان جاريالانىم قوعامدا ەكىۇداي پىكىر تۋدىرىپ، قالىپتاسقان ساياسي-ەكونوميكالىق قاتىناستاردى جاڭساق تۇسىنۋگە اسەر ەتۋى ابدەن مۇمكىن!
ۇقساس جاڭالىقتار
