كونستيتۋتسياداعى ورىس ءتىلىنىڭ مارتەبەسىن وزگەرتۋدى ءماجىلىستىڭ 36 دەپۋتات قولدادى. بۇل تۋرالى ءماجىلىس دەپۋتاتى قازبەك يسا ايتتى، دەپ حابارلايدى “ادىرنا” ۇلتتىق پورتالى.
ء“سىزدى تۇسىنەمىن، بالالارىڭىزدى ورىس مەكتەبىنە بەردىڭىز. كەيبىرەۋلەر تەك ءبىرىنشى سىنىپتان باستاپ بەرگىسى كەلەدى. (...) «نەگە توقاەۆقا ايتپايسىڭ؟» دەدى. ءبىز كونستيتۋتسيادان قازىر كوپشىلىك تالقىعا سالىپ جۇرگەن (ورىس ءتىلى ) مەملەكەتتىك تىلمەن تەڭ قولدانىلادى دەگەن تۇجىرىمدى الىپ تاستاۋدى ۇسىندىق. ولار «مەملەكەتتىك ءتىل تۋرالى» زاڭ جوباسىن ۇسىندى. بۇگىندە 36 دەپۋتات، ياعني 30 پايىزدان استامى قول قويدى. ءبىز «مەملەكەتتىك ءتىل تۋرالى» زاڭدى بەلسەندى تۇردە قولدايمىز، جاقىن ارادا تەك مەملەكەتتىك ءتىل بولادى، ورىس ءتىلى بولمايدى ”، - دەدى يسا №1 مەكتەپ-گيمنازياسىندا اتا-انالارمەن كەزدەسۋدە.
دەپۋتاتتىڭ ايتۋىنشا، انا ءتىلىن ءبىلۋ جارقىن بولاشاقتىڭ كەپىلى.
«انا تىلىندە ويلاۋدى بىلمەيتىن، انا تىلىندە ءتۇس كورمەيتىن جانداردىڭ رۋحاني كەمتار سانالاتىنىن عالىمداردىڭ ءوزى دالەلدەگەن. سىزدەر، بالالارىڭىزدى ءبىرىنشى سىنىپقا بەرەتىندەر، ولاردى رۋحاني مۇگەدەك ەتەسىزدەر. جاپونيا نەگە سونشا دامىعان؟ ويتكەنى ولار ءوز ءتىلىن باستاۋىش سىنىپتان ۇيرەنەدى»، - دەدى دەپۋتات.
ول قازاق مەكتەپتەرىندەگى ءبىلىم دەڭگەيىنىڭ تومەندىگى تۋرالى ايتىلعانداردى ميف دەپ اتاپ، حالىقارالىق وليمپياداعا قاتىسۋشىلاردىڭ 89-90 پايىزى قازاق مەكتەبىنىڭ وقۋشىلارى ەكەنىن باسا ايتتى.
«ولار ورىسشا سويلەۋدى قويادى دەپ ويلاماڭىز – قالادا وقيتىنداردىڭ ءبارى ورىس ءتىلىن وڭاي مەڭگەرەدى. مەنىڭ قازاق مەكتەبىندە بالالارىم، نەمەرەلەرىم بار، بىراق ولار ورىسشا سويلەيدى، ويتكەنى اينالاسىنداعىلاردىڭ ءبارى ورىسشا سويلەيدى. ءتىپتى شەت ەلدەگى بالالار دا ورىسشا سويلەيدى، ويتكەنى ولار ورىس تىلىندە مۋلتفيلمدەر كورەدى»، - دەپ قوستى يسا.
كەزدەسۋ ەلورداداعى №93 مەكتەپ-گيمنازياسىندا ورىس سىنىپتارىنىڭ جوقتىعىنا اتا-انالاردىڭ نارازىلىعىن بىلدىرۋىمەن بايلانىستى بولدى. الايدا، اتا-انالارعا زاڭ بويىنشا تالاپ ەتىلەتىن تىلدە وقىتاتىن مەكتەپ بالانىڭ تۇرعىلىقتى جەرىنەن 2 شاقىرىم راديۋستا بولۋى كەرەكتىگى، ال N72 جانە N83 مەكتەپتەر بۇل كورسەتكىشتەرگە سايكەس كەلەتىنى ءتۇسىندىرىلدى.
“ادىرنا” ۇلتتىق پورتالى
