ورال قالاسى مەن اۋدانداردا 25 قىركۇيەك-31 قازان ارالىعىندا «بەرەكە Fest» رەسپۋبليكالىق اكتسياسى وتۋدە. ءىس-شارا وبلىسى اكىمدىگى مەن ساۋدا جەلىلەرى اراسىنداعى مەموراندۋمدارعا سايكەس ۇيىمداستىرىلۋدا.
اكتسيا وبلىس اكىمدىگى مەن ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنىڭ قولداۋىمەن، «التىندار»، «دينا»، «انۆار»، «سوتسيالنىي»، «Nazel»، «پەشەحود»، «پايدا»، «مانگو» ساۋدا جەلىلەرىنىڭ قاتىسۋىمەن وتكىزىلۋدە. اتالعان ساۋدا ورىندارىندا الەۋمەتتىك ماڭىزى بار ازىق-تۇلىك تاۋارلارى تومەندەتىلگەن باعالارلارمەن ساتىلۋدا. ءىس-شارا الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋعا، قازاقستاندىق وندىرۋشىلەردى قولداۋعا جانە وتاندىق ءونىمدى تۇتىنۋدى ىنتالاندىرۋعا، وندىرۋشىلەر مەن ساۋدا جەلىلەرى اراسىنداعى بايلانىستى نىعايتۋعا باعىتتالعان.
«بەرەكە Fest» اكتسياسى قر ساۋدا جانە ينتەگراتسيا مينيسترلىگىنىڭ باستاماسىمەن ءوتىپ جاتىر. جەتكىزۋشىلەرمەن اراداعى كەلىسىمشارتتار مەن جەرگىلىكتى اكىمدىكتەردىڭ قولداۋىنا بايلانىستى ونىمدەر نارىق باعاسىنان تومەن ساتىلۋدا. ناۋقان رەسپۋبليكا كۇنى مەرەكەسىنە ورايلاستىرىلىپ وتىر. وسىلايشا ۇلتتىق بىرلىك پەن ەكونوميكانىڭ تۇراقتىلىعى ءۇشىن وتاندىق ءوندىرىستىڭ قانشالىقتى ماڭىزدى ەكەنى كورىنەدى» دەلىنگەن وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسىنىڭ اقپاراتىندا.
