قازاقستاندا الەۋمەتتىك ماڭىزى بار جانار-جاعارماي تۇرلەرىنىڭ باعاسى 2026 جىلدىڭ 31 ناۋرىزىنا دەيىن وسپەيدى، دەپ حابارلايدى "ادىرنا" ۇلتتىق پورتالى.
بۇل تۋرالى ەنەرگەتيكا ءمينيسترى ەرلان اقكەنجەنوۆ مالىمدەدى.
ءمينيستردىڭ ايتۋىنشا، اي-92 ماركالى بەنزين مەن ديزەل وتىنى بۇرىن دا مەملەكەتتىك رەتتەۋدە بولعان، سوندىقتان ولاردىڭ باعاسىنا موراتوري جاريالانعان.
ء"بىزدىڭ الەۋمەتتىك ماڭىزى بار جانار-جاعارماي – اي-92 بەنزينى مەن ديزەل. ۇكىمەت 2026 جىلدىڭ ناۋرىزىنا دەيىن موراتوري ەنگىزدى. وسى ۋاقىتقا دەيىن ولاردىڭ باعاسى وزگەرمەيدى", — دەدى اقكەنجەنوۆ.
الايدا، اي-95 جانە اي-98 ماركالى بەنزين باعاسى ءوسۋى مۇمكىن. سەبەبى بۇل قىمبات جانار-جاعارمايدىڭ قۇنى مەملەكەتتىك رەتتەۋگە كەلمەيدى.
ءمينيستردىڭ سوزىنشە، قازىر قازاقستاندا گاز ءوندىرۋ مەن وڭدەۋ ەكونوميكالىق جاعىنان ءتيىمسىز.
"گاز ءوندىرۋ دە، ونى تاۋارلىق جانە سۇيىتىلعان كۇيدە شىعارۋ دا بۇگىندە شىعىنعا شاعادى. سالا ەكونوميكالىق تۇرعىدا مينۋستا", - دەدى ول.
ونىڭ ايتۋىنشا، ەلدە گاز جانە مۇناي ونىمدەرى نارىعىن ىرىقتاندىرۋعا باعىتتالعان رەفورما ءجۇرىپ جاتىر.
