فوتو:inform.kz
اقمولا وبلىسىندا 45 جاستاعى ەر ادام سۋعا باتىپ كەتىپ، قازا تاپتى. بۇل تۋرالى وبلىستىق تجد ءباسپاسوز قىزمەتى مالىمدەدى، دەپ حابارلايدى "ادىرنا".
توتەنشە جاعداي قايرانكول كولىندە تىركەلگەن. ەر ادام موتورلى قايىقپەن بالىق اۋلاۋعا شىققان، بىراق بەلگىسىز سەبەپتەرمەن سۋعا قۇلاپ، وزدىگىنەن جاعاعا جەتە الماعان.
وقيعا تۋرالى حابار تۇسكەننەن كەيىن تجم-ءنىڭ جەدەل-قۇتقارۋ جاساعى دەرەۋ وقيعا ورنىنا جەتىپ، ەر ادامدى سۋدان الىپ شىققان.
«وعان العاشقى مەديتسينالىق كومەك كورسەتىلدى، كەيىن دارىگەرلەرگە تاپسىرىلدى. الايدا، وكىنىشكە قاراي، ەر ادام قاتتى توڭۋدىڭ سالدارىنان كوز جۇمدى»، – دەلىنگەن تجد حابارلاماسىندا.
تجم ماماندارى قولايسىز اۋا رايى جاعدايىندا سۋ ايدىندارىنا شىعۋ قاۋىپتى ەكەنىن ەسكەرتەدى.
ۇقساس جاڭالىقتار
