Foto:inform.kz
Aqmola oblysynda 45 jastaǧy er adam suǧa batyp ketıp, qaza tapty. Būl turaly oblystyq TJD baspasöz qyzmetı mälımdedı, dep habarlaidy "Adyrna".
Tötenşe jaǧdai Qairanköl kölınde tırkelgen. Er adam motorly qaiyqpen balyq aulauǧa şyqqan, bıraq belgısız sebeptermen suǧa qūlap, özdıgınen jaǧaǧa jete almaǧan.
Oqiǧa turaly habar tüskennen keiın TJM-nıŋ jedel-qūtqaru jasaǧy dereu oqiǧa ornyna jetıp, er adamdy sudan alyp şyqqan.
«Oǧan alǧaşqy medisinalyq kömek körsetıldı, keiın därıgerlerge tapsyryldy. Alaida, ökınışke qarai, er adam qatty toŋudyŋ saldarynan köz jūmdy», – delıngen TJD habarlamasynda.
TJM mamandary qolaisyz aua raiy jaǧdaiynda su aidyndaryna şyǧu qauıptı ekenın eskertedı.
Ūqsas jaŋalyqtar
