10 قازان – بۇكىل الەمدە پسيحيكالىق دەنساۋلىقتىڭ دۇنيەجۇزىلىك كۇنى اتاپ وتىلەدى. بۇل كۇن – قوعامنىڭ پسيحيكالىق ساۋلىقتىڭ ماڭىزدىلىعى تۋرالى حاباردارلىعىن ارتتىرۋعا، ستيگمانى ازايتۋعا جانە ماماندار، ۇيىمدار مەن ازاماتتاردىڭ كۇش-جىگەرىن بىرىكتىرۋگە باعىتتالعان جىل سايىنعى ءىس-شارا.
پسيحيكالىق دەنساۋلىق – بۇل تەك اۋرۋدىڭ جوقتىعى عانا ەمەس، ادامنىڭ ىشكى تەپە-تەڭدىك كۇيى، ول كەزدە ادام كۇيزەلىسكە توتەپ بەرە الادى، ءوزىنىڭ الەۋەتىن جۇزەگە اسىرادى، جەمىستى ەڭبەك ەتەدى جانە وتباسى مەن قوعام ومىرىنە ۇلەس قوسادى.
سوڭعى جىلدارى قازاقستاندا پسيحيكالىق دەنساۋلىق ماسەلەلەرىنە ەرەكشە نازار اۋدارىلۋدا.
دەنساۋلىق ساقتاۋ مينيسترلىگى وڭىرلەرمەن بىرلەسە وتىرىپ، پسيحولوگيالىق جانە پسيحياتريالىق كومەكتى كۇشەيتۋ، رەابيليتاتسيالىق جانە پروفيلاكتيكالىق باعدارلامالار جەلىسىن دامىتۋ، ماماندار دايارلىعىن كەڭەيتۋ بويىنشا جۇيەلى جۇمىس جۇرگىزۋدە.
الدىن الۋعا ەرەكشە نازار
باستاپقى پروفيلاكتيكاعا ەرەكشە ءمان بەرىلەدى:
➤ كۇيزەلىس پەن ەموتسيالىق بۇزىلىستاردى ەرتە انىقتاۋ;
➤ ءوزىن-ءوزى رەتتەۋ جانە كۇيزەلىسكە توزىمدىلىك داعدىلارىن ۇيرەتۋ;
➤ جاسوسپىرىمدەر مەن جاستار اراسىندا پسيحولوگيالىق اعارتۋ جۇمىستارىن جۇرگىزۋ;
➤ وتباسى مەن اتا-انالاردى قولداۋ باعدارلامالارىن دامىتۋ.
ستيگمانى ەڭسەرۋ – ورتاق مىندەت
كوپتەگەن ادامدار قورقىنىش، ستيگما نەمەسە قايدا جۇگىنەرىن بىلمەۋ سەبەپتى كومەككە جۇگىنبەيدى.
اشىق ەسىك كۇندەرىن، اعارتۋشىلىق اكتسيالارىن وتكىزۋ، مەكتەپ جانە جوعارى وقۋ ورىندارى پسيحولوگتارىنىڭ جۇمىسى – پسيحياتريالىق جانە پسيحولوگيالىق كومەك جۇيەسىنە دەگەن سەنىمدى ارتتىرۋ مەن كەدەرگىلەردى ازايتۋدىڭ ماڭىزدى قادامدارى.
پسيحيكالىق ساۋلىقتى ساقتاۋ بويىنشا ماماندار كەڭەسى:
1. ەموتسيالىق رەسۋرستى ساقتاۋ – ەڭبەك پەن دەمالىستى الماستىرۋ، حوببيگە جانە تابيعات اياسىنداعى دەمالىسقا ۋاقىت ءبولۋ.
2. دەنەنىڭ بەلگىلەرىن ەلەمەۋ – اشۋلانشاقتىق، ۇيقىسىزدىق، تۇراقتى شارشاۋ مەن مازاسىزدىق ەموتسيونالدى كۇيىپ كەتۋدىڭ بەلگىلەرى بولۋى مۇمكىن.
3. سەزىمدەر تۋرالى اشىق ايتۋ – ۋايىممەن ءبولىسۋ، جاقىندارمەن سويلەسۋ نەمەسە مامانداردان كومەك سۇراۋ.
4. كومەك سۇراۋدان ۇيالماۋ – پسيحيكالىق دەنساۋلىققا قامقورلىق جاساۋ السىزدىك ەمەس، جاۋاپكەرشىلىكتىڭ بەلگىسى.
پسيحيكالىق دەنساۋلىقتىڭ دۇنيەجۇزىلىك كۇنى دۇنيەجۇزىلىك پسيحيكالىق دەنساۋلىق فەدەراتسياسىنىڭ (WFMH) باستاماسىمەن بەكىتىلىپ، دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) قولداۋىمەن وتكىزىلەدى.
2025 جىلدىڭ ۇرانى — «پسيحيكالىق دەنساۋلىق – ءار ادامنىڭ امبەباپ قۇقىعى».
