اتىراۋ وبلىسى اكىمىنىڭ نازارىنا!
اتىراۋ وبلىسى دەنساۋلىق ساقتاۋ باسقارماسىنىڭ نازارىنا!
ەلىمىزدە ىندەتتىڭ بەتى قايتپاي، حالىق ءدارىحانالاردى جاعالاپ، كەرەگىن تابا الماي جاتقاندىعى بەلگىلى. الايدا ەم ىزدەگەن حالىقتىڭ قالتاسى ءدارىحانالاردىڭ وزدەرى قويىپ العان ءدارى باعالارىن كوتەرەر ەمەس. ءدارى باعاسى اسپانداپ كەتكەن ءوڭىردىڭ ءبىرى – اتىراۋ قالاسىنداعى «نۇرمەد» ءدارىحاناسى. بۇل جونىندە «ادىرنا» ۇلتتىق پورتالىنا اتىراۋ قالاسىنىڭ تۇرعىنى حابارلادى. اياق استىنان اناسى اۋىرىپ، №7 پوليكلينيكاعا پروۆيزورعا جاتقىزىلعان. سول كۇنى 3.07.2020 جىلى ساعات 18:30 شاماسىندا الماگۇل ميكرورايونىنداعى 24 ۇيدە ورنالاسقان «نۇرمەد» ءدارىحاناسىنا ءدارى الۋعا بارادى. ول جەردەن تۇبىرتەگىندە جازىلعان زيرومين 500 مگ، 3 تابلەتكا ءازيتروميندى 9000 تەڭگەگە العان.
ساعات 21:40 شاماسىندا تاپ وسى دارىلەردى ماحامبەت كوشەسىندەگى «زەردە» ءدارىحاناسىنان 2280 تەڭگەگە العاندىعىن ايتتى. «نۇرمەد» ءدارىحاناسىنا قايتا حابارلاسىپ، سەبەبىن سۇراپ كورگىسى كەلگەن ونىڭ وزىنە ايقايلاپ بەرگەن. ءدارى باعاسىن ءۇش ەسە ءوسىرىپ وتىرعان ءدارىحانا باسشىلىعى قايدا قاراپ وتىر؟ حالىقتى بۇلاي قاناي بەرۋ قانشالىقتى دۇرىس؟ «پايدا ويلاماي، ار ويلايتىن» كەزدىڭ ءبىرى وسى ەمەس پە ەدى؟!
جانسايا سمان،
«ادىرنا» ۇلتتىق پورتالى
