دەنساۋلىق ساقتاۋ ءمينيسترى ا.تسويعا قاتىستى كەشەلى بەرى الەۋمەتتىك جەلى بەتتەرىندە قارسىلىق پىكىرى قارشا بوراۋدا. بۇعان سەبەپ، مينيسترلىكتىڭ "جىنىس اۋىستىرۋ تۋرالى" زاڭى بولدى دەپ جازادى "ادىرنا" ۇلتتىق پورتالى. ينستاگرام، فەيسبۋك الەۋمەتتىك جەلىلەرى "مينيستر تسويعا "قوي" دەۋ كەرەك" دەگەن سارىنداعى پىكىرلەرگە تولدى. سونداي پىكىرلەر اراسىندا ابراحمان بەلعوجاەۆتىڭ شىعارعان تومەندەگى ولەڭ جولدارى كوپتىڭ كوڭىلىنەن شىققانى سونداي، العىسىن جاۋدىرعان كوممەنتتەر توقتار ەمەس.
جىنىس پا، جىن ءىس پە؟
ماسكامەن بىتەپ تىنىستى،
ىستەتتى ۇيدەن جۇمىستى،
اۋىستىرماق ەندى كەپ،
قۇداي بەرگەن جىنىستى!
مۇنى ەستىپ ارقام قۇرىستى،
ويى بۇل كىمنىڭ جىمىسقى؟
قازاققا شەتەل ءداستۇرى،
بولسىن دەي مە ەكەن جۇعىستى؟!
سىيلاماي ۇلى ۇلىستى،
كىم باستادى ەكەن بۇل ءىستى؟
قۇتىلماي جاتىپ كوۆيدتەن،
بۇل ىسكە نەگە كىرىستى؟!
دۇرىس دەۋ كەرەك دۇرىستى
بۇرىس دەۋ كەرەك بۇرىستى،
وتتاماۋ كەرەك اركىم ءبىر،
تىنىش ەكەن دەپ قىر ءۇستى!
ەسەپپەن اركىم ءبىر ىشكى،
بىلگەنىن بۇگىن قىلىستى.
العانداي ءبولىپ بايلىقتى،
كوپ كەلىمسەك قىل ءۇستى.
ەستيمىز نەبىر سىبىستى،
قالاماسا دا ۇرىستى،
ۇمىتقان جوق ءالى بۇل قازاق،
يساتايدان قالعان قىلىشتى!
وزگەرتەمىن دەپ جىنىستى،
تسويدىڭ دا بۇگىن جىنى ۇشتى.
سول جىنمەن بىرگە تسويىڭ دا،
بوساتۋ كەرەك جۇمىستى!
P.S. داستۇرگە بولام جىلدا جاق،
وتپەسە ءسوزىڭ - بۇل دا ازاپ!
دەنساۋلىعىن ەلدىڭ ويلايتىن،
تابىلماي قالدى-اۋ ءبىر قازاق!
ابدراحمان بەلعوجاەۆ.
فوتو اشىق دەرەككوزدەن الىندى.
