الماتىداعى مەدەۋ-شىمبۇلاق جولىندا تاستاردىڭ قۇلاۋىنا بايلانىستى كولىك قوزعالىسى شەكتەلەدى، دەپ حابارلايدى "ادىرنا" ۇلتتىق پورتالى. بۇل تۋرالى قالا اكىمىنىڭ ءباسپاسوز قىزمەتى مالىمدەدى.
«اعىمداعى جىلدىڭ 25 قازانىندا مەدەۋ-شىمبۇلاق جولىنداعى تاس قۇلاۋ سالدارىن جويۋ جۇمىستارى باستالدى. جۇمىس كەزىندە كولىكتەر مەن جاياۋ جۇرگىنشىلەردىڭ قوزعالىسى شەكتەلەدى. جوبا اياسىندا اۋماقتاردى تاۋ جىنىستارى مەن كوشكىندەردەن ينجەنەرلىك قورعاۋ، جول بەتكەيلەرىن نىعايتۋ، بەتكەيلەردەن توپىراق پەن تاستاردى ءتۇسىرۋ جانە قويمالىق بوگەتتەردى تازالاۋ جۇمىستارى جوسپارلانۋدا. جوندەۋگە شامامەن 11 تەحنيكا مەن 50 ادام جۇمىلدىرىلادى»، - دەلىنگەن سارسەنبى كۇنى تاراتقان حابارلامادا.
بۇل رەتتە تاۋ شاڭعىسى كۋرورتتارىنىڭ جۇمىسشىلارى مەن كاسىپورىندارىنا كىرۋ كەستەسى جاسالادى.
«قوزعالىس تۋرالى اقپارات ءار ۇيىمنىڭ باسشىلىعىنان قولجەتىمدى بولادى. جوبانى ەكى كەزەڭدە جۇزەگە اسىرۋ جوسپارلانۋدا. نەگىزگى جۇمىس كەلەسى جىلعا جوسپارلانعان»، - دەپ ءتۇسىندىردى قالا اكىمدىگى.
ۇقساس جاڭالىقتار
