Osy joldardyŋ 430,1 şaqyrymy nemese 50,3 paiyzy jaqsy jäne qanaǧattanarlyq jaǧdaida bolsa, 419,9 şaqyrymy nemese 49,7 paiyzy qiyrşyq tasty joldar sanatyna jatady.
Biylǧy jospar aiasynda ūzyndyǧy 138,5 şaqyrymdy qūraityn 159 köşege ortaşa jöndeu jūmystaryn jürgızu josparlanǧan. Būl jūmystardyŋ nätijesınde jaqsy jäne qanaǧatty jaǧdaidaǧy joldardyŋ ülesı 66,7 paiyzǧa deiın artady dep kütılude.
Jöndeu jūmystary negızınen qalanyŋ infraqūrylym jüielerı tolyq aiaqtalǧan Şauǧar, Iаssy, Otyrar jäne Bekzat tūrǧyn alaptarynda jürgızıledı.
Ortaşa jöndeu barysynda köşelerge ekı qabatty asfalt jabyndysy töselıp, jol jiekterı, aiaqjoldar, mümkındıgınşe velojoldar men jaŋbyr suaǧar jüielerı ornatylady. Jöndeletın köşelerdıŋ basym bölıgı qalanyŋ tarihi, iaǧni eskı bölıgınde ornalasqan.
Atap aitqanda, Täuke han, Äl-Farabi, Nauryzym köşelerı tolyqtai jaŋartylyp, paidalanuǧa berıldı. Sonymen qatar, qazırgı uaqytta S.Jandosov köşesın keŋeitu jäne qaita jaŋǧyrtu jūmystary jürgızılude.
Mäselen, Täuke han köşesınde ūzyndyǧy 5,1 şaqyrymdy qūraityn asfalt qabaty jaŋartylyp, jol bölu taŋbalary tolyqtai qaita syzyldy. Äl-Farabi köşesınıŋ 1,8 şaqyrymyna asfalt töselıp, jaiau jürgınşıler joly men jaŋbyr suaǧar jüielerı salyndy. Al Jangeldin köşesınde 3,75 şaqyrym aumaqqa auyr jük kölıkterınıŋ jürıp-tūruyna beiımdelgen asfalt jabyndysy töselıp, aiaqjol, velojol jäne su aǧatyn aryqtarmen qamtyldy.
Ūqsas jaŋalyqtar
