بۇگىن بۇكىل ازەربايجان اۋماعىندا وتان سوعىسىندا ەرلىكپەن شايقاسىپ، ەلدىڭ اۋماقتىق تۇتاستىعى جولىندا جانىن قيعان شەيىتتەردىڭ رۋحىنا ءبىر مينۋت ۇنسىزدىكپەن تاعزىم ەتىلدى، دەپ حابارلايدى “ادىرنا” ۇلتتىق پورتالى Report اگەنتتىگىنە سىلتەمە جاساپ.
ساعات 12:00-دە كولىك پەن جاياۋ جۇرگىنشىلەر قوزعالىسى توقتاتىلدى. اۆتوموبيلدەر دىبىس سيگنالىن بەرىپ، كەمەلەر مەن جەرۇستى پويىزدارى ۇزاق دابىل قاقتى.
ايتا كەتەيىك، 27 قىركۇيەك – ازەربايجاندا وتان سوعىسى شەيىتتەرىن ەسكە الۋ كۇنى. بۇل – ازەربايجان قارۋلى كۇشتەرى مەن ەكىنشى تاراپتاعى ارمەنيا اسكەرلەرى جانە مويىندالماعان تاۋلى قاراباح رەسپۋبليكاسىنىڭ قارۋلى توپتارى اراسىندا بولعان ءىرى سوعىس.
2020 جىلى پرەزيدەنت يلحام اليەۆتىڭ جارلىعىمەن بەلگىلەنگەن. ەسكە الۋ كۇنى ەلدىڭ اۋماقتىق تۇتاستىعىن قورعاپ، جانىن قيعان اسكەري قىزمەتكەرلەرگە قۇرمەت رەتىندە اتالىپ وتەدى.
