قالا كۇنىنە وراي 12 قىركۇيەك كۇنى ورال قالاسىندا جاستارعا ارنالعان ەڭ اۋقىمدى جوبالاردىڭ ءبىرى – «ORAL JASTARY FEST – 2025» فەستيۆالى ءوتتى.
شارا بيىلعى جۇمىسشى ماماندىقتار جىلى اياسىندا ۇيىمداستىرىلىپ, جاستاردىڭ كاسىبيلىگىن, شىعارماشىلىق قابىلەتىن جانە ەڭبەككە دەگەن قۇلشىنىسىن ارتتىرۋعا باعىتتالدى.
فەستيۆال ورال قالاسىنىڭ ىشكى ساياسات ءبولىمىنىڭ تاپسىرىسىمەن «ينتەگرال» جاستار قوعامدىق بىرلەستىگى جانە قالالىق جاستار رەسۋرستىق ورتالىعىنىڭ ۇيىمداستىرۋىمەن ءوتتى. شاراعا قالالىق مادەنيەت جانە تىلدەردى دامىتۋ ءبولىمى قولداۋ كورسەتتى.
فەستيۆالدىڭ باستى ماقساتى – جۇمىسشى ماماندىقتاردىڭ مارتەبەسىن كوتەرۋ, جاستاردىڭ شىعارماشىلىق الەۋەتىن دامىتۋ, ولاردى قوعامدىق ومىرگە بەلسەندى ارالاستىرۋ جانە تۋعان قالاسىنا دەگەن سۇيىسپەنشىلىگىن ارتتىرۋ.
ورال قالاسىنىڭ تۇڭعىش پرەزيدەنت الاڭىندا وتكەن فەستيۆالگە 10 مىڭنان استام جاس قاتىستى. شارا اياسىندا ءتورت جوعارى وقۋ ورنى مەن 20 ارناۋلى ءبىلىم بەرۋ مەكەمەسىنىڭ ستۋدەنتتەرى ماماندىق كورمەسىنە قاتىسىپ, ءوز ونەرى مەن جوبالارىن تانىستىردى. كورمەنى قالا اكىمى مۇرات بايمەنوۆ جانە «AMANAT» پارتياسىنىڭ باتىس قازاقستان وبلىستىق فيليالىنىڭ اتقارۋشى حاتشىسى ازامات سافيماليەۆ ارنايى كەلىپ تاماشالادى.
فەستيۆال اياسىندا جەتى باعىت بويىنشا بايقاۋلار ۇيىمداستىرىلدى. اتاپ ايتقاندا, كاسىبي شاشتارازدار اراسىندا «Barber Battle»، دانەكەرلەۋشىلەردىڭ سپورت الاڭدارىن قالپىنا كەلتىرۋ بويىنشا «شەبەر دانەكەرشى» بايقاۋى, قالانىڭ كەلبەتىن تورت ارقىلى بەينەلەيتىن كونديتەرلىك سايىس جانە ءسان كورسەتىلىمدەرى مەن ەرەكشەلەنگەن تىگىنشىلەر بايقاۋى ءوتتى. سونىمەن قاتار, ستۋدەنتتەرگە ارنالعان «ماماندىعىم – ماقتانىشىم» كورمەسى, «اشىق ميكروفون» شىعارماشىلىق الاڭى جانە فەستيۆال شارالارىن بەينەكونتەنت ارقىلى كورسەتكەن موبيلوگرافتار سايىسى ۇيىمداستىرىلدى.
اتالعان اتالىمدار بويىنشا قاتىسۋشىلارارنايى جۇلدەلەرمەن ماراپاتتالدى. بايقاۋلارعا 35-تەن استام مەكەمە قولداۋ كورسەتىپ, بەلسەندىلىك تانىتتى. 12 قىركۇيەك كۇنى ساعات 18:00-دە قالا تۇرعىندارى مەن قوناقتارىنا كونديتەرلىك جانە تىگىنشىلىك بايقاۋلارى اياسىندا دايىندالعان جۇمىستار ۇسىنىلىپ, كورمەلەر ۇيىمداستىرىلدى. فەستيۆالدىڭ قورىتىندى بولىگى – ساعات 19:00-دە باستالعان گالا-كونتسەرت بولدى.
مەرەكەلىك كەشكە قازاقستان ەستراداسىنىڭ تانىمال انشىلەرى Qanay, Alina جانە Rafa قاتىستى. سونىمەن قاتار ساحنادا جەرگىلىكتى ونەرپازدار – Raketa, رايىمبەك وتەپوۆ جانە وزگە دە شىعارماشىل جاستار ونەر كورسەتتى. كونتسەرت بارىسىندا ءار نوميناتسيا جەڭىمپازدارى ساحنادا ماراپاتتالدى.
فەستيۆال تۋرالى ورال قالالىق جاستار رەسۋرستىق ورتالىعىنىڭ باسشىسى دۋلات ءجۇسىپقاليەۆ ءوز پىكىرىن ءبىلدىردى:
– ورال قالاسىندا 14 پەن 35 جاس ارالىعىندا 100 مىڭنان استام جاس بار. بۇل – ءبىزدىڭ قالامىزدىڭ ەڭ ۇلكەن الەۋەتى ءارءى بولاشاعى. مەملەكەت باسشىسى جاريالاعان جۇمىسشى ماماندىقتار جىلى اياسىندا وتكەن بۇل فەستيۆال – جاستاردىڭ كاسىبي دامۋىنا سەرپىن بەرەتىن ناقتىءىس-شارا. ماقساتىمىز – جاستاردىڭ ەڭبەككە دەگەن قىزىعۋشىلىعىن وياتۋ, كءاسىبي داعدىلارىن ارتتىرۋ جانە ولاردىڭ قوعامداعى ورنىن ايقىنداۋ, – دەدى دۋلات نۇربەرگەنۇلى.
«Oral Jastary Fest – 2025» – بۇل جاستاردىڭ كاسىبيلىگىن, ونەرىن جانە ازاماتتىق بەلسەندىلىگىن ءبىرىكتىرەتىن الاڭ عانا ەمەس, سونىمەن قاتار تۋعان قالاسىنىڭ دامۋىنا ۇلەس قوسۋعا مۇمكىندىك بەرەتىن ماڭىزدى جوبا.
فەستيۆال جاستارعا شابىت سىيلاپ, قالالىق مەرەكەنىڭ شىرايىن اشا ءتۇستى.
