باتىس قازاقستان وبلىسىندا پوليتسەيلەر بۇگىن ساعات 10:30 شاماسىندا كولىكتەن 4 ءجاسوسپىرىمنىڭ دەنەسىن تاپتى. بۇل تۋرالى وبلىستىق پوليتسيا دەپارتامەنتى جاريالادى، دەپ حابارلايدى “ادىرنا” ۇلتتىق پورتالى.
كولىك زاشاعان كەنتىنىڭ «سارىتاۋ» شاعىن اۋدانىندا ورنالاسقان جەكە ءۇيدىڭ گاراجىندا تۇرعان.
“ودان 2006 جىلى تۋعان قىز بەن 2 جىگىت جانە 2004 جىلى تۋعان جىگىت تابىلدى. ءولىمنىڭ الدىن الا سەبەبى – كومىرقىشقىل گازىنان ۋلانۋ”، - دەلىنگەن وبلىستىق پد اقپاراتىندا.
وقيعا ورنىندا مەديتسينا جانە پوليتسيا قىزمەتكەرلەرى جۇمىس ىستەپ جاتىر.
جالپى، ورالدا سوڭعى كۇندەرى اۋا تەمپەراتۋراسى -26 گرادۋسقا دەيىن تومەندەپ، قاتتى اياز بولىپ تۇر. وقىس وقيعانىڭ سەبەبى دە وسى كۇننىڭ سۋىقتىعىنا بايلانىستى بولۋى مۇمكىن.
