امەريكالىق قىز 25 جىلدان كەيىن ءوزىنىڭ بيولوگيالىق اتا-اناسىمەن قاۋىشتى. ورال اۋەجايىندا تۇسىرىلگەن بەينەجازبا كوپشىلىكتىڭ كوڭىلىن بوساتتى، دەپ حابارلايدى «ادىرنا» ءتىلشىسى.
«موي گورود» باسىلىمىنىڭ مالىمەتىنشە، 2000 جىلى باتىس قازاقستان وبلىسىنىڭ تۇرعىنىنا پەرزەنتحانادا نارەستەسىنىڭ قايتىس بولعانى ايتىلعان. الايدا ارادا شيرەك عاسىر وتكەن سوڭ قىزدىڭ ءتىرى ەكەنى انىقتالدى. ول وسى ۋاقىت بويى اقش-تا ءوزىن اسىراپ العان وتباسىدا ءوسىپ-جەتكەن.
جاقىندا قىز اسىراپ العان اكەسىمەن بىرگە قازاقستانعا ورالىپ، تۋعان جەرىندە اتا-اناسىمەن جۇزدەسكەن.
قازىر نارەستەنىڭ جوعالۋىنا بايلانىستى ءۇش دارىگەرگە قاتىستى قىلمىستىق ءىس قوزعالدى. ولارعا ءسابيدى زاڭسىز شەتەلگە اكەتكەن دەگەن ايىپ تاعىلىپ وتىر.
الەۋمەتتىك جەلى قولدانۋشىلارى قىزدىڭ اتا-اناسىمەن قايتا تابىسۋىن ەرەكشە تولعانىسپەن قابىلداپ، ولارعا ىزگى تىلەكتەرىن ارناپ جاتىر.
