كەشە، 6 ماۋسىم كۇنى، الماتىداعى «سۇڭقار» حالىقارالىق شاڭعى ترامپليندەرى كەشەنىنىڭ اۋماعىندا زاماناۋي قازاقستاندىق مۋزىكانىڭ باستى مەرەكەسى — مەرەيتويلىق Beu Fest فەستيۆالى ءوتتى. Beu FM راديوستانتسياسىنىڭ تىكەلەي قولداۋىمەن ۇيىمداستىرىلعان اۋقىمدى شارا مىڭداعان كورەرمەن جيناپ، وسى جازدىڭ باسىنداعى ەڭ جارقىن مادەني وقيعاعا اينالدى.
وسىدان بەس جىل بۇرىن باستاۋ العان Beu Fest بۇگىندە قازاقستاننىڭ مادەني ءومىرىنىڭ اجىراماس بولىگى جانە مۋزىكالىق ترەندتەردى قالىپتاستىراتىن باستى الاڭ رەتىندە تانىلدى. راديو مەن جاندى داۋىستىڭ بىرەگەي سينەرگياسى جوباعا ەرەكشە مارتەبە بەرەدى، ال ونىڭ اۋقىمى جىل سايىن ارتىپ كەلەدى. بۇل جولعى مەرەيتويلىق فەستيۆال بۇرىن-سوڭدى بولماعان لايناپپەن، وزىق شوۋ-تەحنولوگيالارمەن جانە عاجايىپ ەنەرگەتيكاسىمەن ەستە قالدى.
جانرلار توعىسى جانە اڭىزداردىڭ ورالۋى. بيىل ۇيىمداستىرۋشىلار ءبىر ساحنادا ەلىمىزدىڭ باستى حيتمەيكەرلەرىن، جاستاردىڭ كۋميرلەرىن جانە ەسترادا اڭىزدارىن جينادى. كورەرمەندەرگە Ninety One, قايرات نۇرتاس، Shiza, ALEM, Yenlik, M'Dee, Ayau, جانار دۇعالوۆا، Bonapart, Ulukmanapo جانە ميربەك اتابەكوۆ ۇمىتىلماس اسەر سىيلادى.
فەستيۆال ءوزىنىڭ باستى ميسسياسىن تاعى دا دالەلدەدى: وزەكتى حيپ-حوپ پەن ينديدەن باستاپ، كۋلتتىك Q-pop پەن ەستراداعا دەيىنگى ستيلدەر اراسىنداعى شەكارالار تولىعىمەن جويىلدى. ترەكتەرى نوستالگيا تۋدىراتىن اتى اڭىزعا اينالعان Ghetto Dogs توبىنىڭ ساحناعا ورالۋى ەرەكشە فۋرور جاسادى. بۇگىنگى چارت كوشباسشىلارىنىڭ قۋاتتى ەنەرگەتيكاسى «سۇڭقار» كەشەنىن ءدۇر سىلكىندىردى — مىڭداعان كورەرمەن سۇيىكتى حيتتەرىن ارتىستەرمەن بىرگە شىرقادى.
5-ءشى مەرەيتويلىق Beu Fest-ءتىڭ ەرەكشە كوركى كورەرمەندەر ءۇشىن ناعىز توسىنسىي بولعان كۇتپەگەن كوللابوراتسيالار بولدى. كەشتىڭ باستى جاڭالىعى Shiza مەن جانار دۇعالوۆانىڭ بىرلەسكەن ءفيتى — مىڭداعان حالىقتىڭ قوشەمەتىنە بولەنگەن جانرلاردىڭ باتىل ۇيلەسىمى ەدى.
فەستيۆالدىڭ تاعى ءبىر ەكسكليۋزيۆى دۇركىرەگەن پرەمەراعا ۇلاستى: Ulukmanapo مەن Yenlik ساحنادا ءمىنسىز ءستيلى مەن قۋاتتى ەنەرگەتيكاسىن پاش ەتە وتىرىپ، وزدەرىنىڭ سۋ جاڭا ورتاق ءانىن تارتۋ ەتتى.
ال ءىس-شارا بارىسىندا كورەرمەننىڭ كوڭىل-كۇيىنە تاعى ءبىر جارقىن دۋەت — حاريزماتيكالىق جۇرگىزۋشىلەر تاندەمى جەكا Fatbelly مەن سابيركين جاۋاپ بەردى. ولاردىڭ حالىقپەن بايلانىسى بۇل كەشتى شىنىمەن دە ۇمىتىلماستاي ەتتى.
«بيىل Beu Fest ءوزىنىڭ بەس جىلدىعىن مۇلدەم جاڭا ساپالى دەڭگەيدە اتاپ ءوتتى. ءبىز مىقتى مۋزىكالىق قۇرامدى جيناپ قانا قويماي، زاماناۋي قازاقستاندىق مۋزىكانىڭ قانشالىقتى اۋقىمدى، كوپ قىرلى جانە قۋاتتى ەكەنىن كورسەتتىك. ءبىزدىڭ يدەيامىزدى قولداعان ءاربىر كورەرمەنگە، ارتىستەرگە، سەرىكتەستەرگە جانە، ارينە، Beu FM راديوسىنىڭ تۇراقتى تىڭدارماندارىنا زور العىسىمىزدى بىلدىرەمىز. بۇل — ءبىزدىڭ ورتاق جەڭىسىمىز جانە ۇلكەن مادەني مەرەكە»، — دەپ اتاپ ءوتتى Beu Fest فەستيۆالىنىڭ ۇيىمداستىرۋ كوميتەتى.
مەرەيتويلىق Beu Fest تەك اۋقىمدى كونتسەرت قانا ەمەس، سونىمەن قاتار يندۋستريانى دامىتۋعا ارنالعان ناعىز جولاشار الاڭعا اينالدى. جىلدان جىلعا فەستيۆال ۇلكەن ساحناعا جاڭا ەسىمدەردى شىعارىپ، جاڭا تالانتتاردى تانىستىرۋدىڭ ماڭىزدى ءداستۇرىن ساقتاپ كەلەدى. بۇل جولى كوپ مىڭدىق اۋديتوريا جارقىن دەبيۋتانتتاردى: SALSERI, DIDAR TOLEGEN, ASTRA, UMAY, سونداي-اق Beckth & Tibo-نى ىستىق ىقىلاسپەن قارسى الدى. كورەرمەندەردىڭ جوعارى مادەنيەتى مەن ۇيىمداستىرۋشىلاردىڭ كاسىبيلىگىنىڭ ارقاسىندا اۋقىمدى ءىس-شارا قاۋىپسىزدىك پەن جايلىلىقتىڭ ەڭ جوعارى دەڭگەيىندە ءوتتى.
