پرەزيدەنت قابىلداۋىنان سوڭ. ۇلتتىق قاۋىپسىزدىك كوميتەتىنىڭ توراعاسى اۋىستى

324
Adyrna.kz Telegram
https://adyrna.kz/storage/uploads/g3nzzCB0ZlmitNM0bV5GzFgwg1lyIfCpVliiSJSW.jpg

سۋرەت: جي

بۇگىن، 16 قاراشادا ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆ قىزمەتىنەن كەتتى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.

«مەملەكەت باسشىسىنىڭ جارلىعىمەن ەرمەك الدابەرگەنۇلى ساعىمباەۆ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى لاۋازىمىنان بوساتىلدى»،– دەلىنگەن حابارلامادا. 

ەندى بۇل قىزمەتتى مارات يرمەنوۆ اتقارادى. بۇعان دەيىن ول ۇلتتىق قاۋىپسىزدىك كوميتەتى توراعاسىنىڭ ورىنباسارى بولعان ەدى.

مارات عاتاۇللاۇلى باتىس قازاقستان اۋىل شارۋاشىلىعى ينستيتۋتىن، ۇقك ينستيتۋتىن جانە حالىقارالىق قۇقىق جانە نارىق اكادەمياسىن اياقتاعان.

II دارەجەلى "داڭق" وردەنىمەن، مەملەكەتتىك، ۆەدومستۆولىق جانە مەرەيتويلىق مەدالدارمەن ناگرادتالعان.

ەسكە سالايىق، 13 قاراشادا پرەزيدەنت قاسىم-جومارت توقاەۆ ۇقك ەكس-توراعاسى ەرمەك ساعىمباەۆتى قابىلداعان ەدى. مەملەكەت باسشىسىنا ۆەدومستۆونىڭ جىل باسىنان بەرى اتقارعان قىزمەتىنىڭ نەگىزگى ناتيجەلەرى باياندالىپ، الداعى كەزەڭگە ارنالعان جوسپارى تانىستىرىلعان. بۇل كەزدەسۋدىڭ ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى ءىس-قيمىل قىزمەتى «سامۇرىق-قازىنا» باسقارما توراعاسى نۇرلان جاقىپوۆ پەن قتج باسشىسى ەلجاس وتىنشيەۆتى ۇستاعاننان كەيىن وتكەنى نازار اۋدارتقان.

پىكىرلەر