ۇكىمەتتىڭ قاۋلىسىمەن وقۋ-اعارتۋ ۆيتسە-ءمينيسترى تاعايىندالدى، دەپ حابارلايدى "ادىرنا" ءتىلشىسى.
پرەزيدەنتتىك رەزەرۆتەگى كادر اراي اسىلبەكقىزى ورازوۆا وقۋ-اعارتۋ ۆيتسە-ءمينيسترى بولىپ تاعايىندالدى. بۇل تۋرالى پرەمەر-ءمينيستردىڭ رەسمي اقپاراتتىق رەسۋرسى حابارلادى.
جاڭا قىزمەتكە تاعايىندالعان اراي ورازوۆا 1988 جىلى شىعىس قازاقستان وبلىسىندا دۇنيەگە كەلگەن.
ول د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىن، ا.ق. قۇسايىنوۆ اتىنداعى ەۋرازيا گۋمانيتارلىق ينستيتۋتىن بىتىرگەن.
جاڭا قىزمەتكە تاعايىندالعان مامان پرەزيدەنتتىك جاستار كادر رەزەرۆىنىڭ مۇشەسى.
ول 2021 جىلدان باستاپ قازىرگى ۋاقىتقا دەيىن "ۇلتتىق اقپاراتتىق تەحنولوگيالار" اق باسقارما توراعاسىنىڭ ورىنباسارى قىزمەتىن اتقارىپ كەلدى.
