45 جىلدان استام ۋاقىتىن بالا تاربيەسى مەن بىلىمگە ارناعان استانالىق ارداگەر ۇستاز كۋنىمبالا يزتولەۋوۆنا جاڭا وقۋ جىلى قارساڭىندا جۇرەكجاردى جازبا جاريالاپ، وقۋ-اعارتۋ ءمينيسترى عاني بەكتايۇلىنا العىسىن ءبىلدىردى، دەپ حابارلايدى "ادىرنا" پورتالى Democrat.kz سايتىنا سىلتەپ.
ارداگەر ۇستاز ءوز سوزىندە ەلىمىزدەگى ءبىلىم سالاسىنداعى جاعىمدى وزگەرىستەرگە ريزا ەكەنىن ايتىپ، اسىرەسە، پرەزيدەنتتىڭ تاپسىرماسىمەن قولعا الىنعان «كەلەشەك مەكتەپتەر» جوباسى، ۇستازدارعا جاسالعان قولداۋ، بالاباقشا تاربيەشىلەرىنىڭ جالاقىسىنىڭ ءوسۋى - ءبىلىم سالاسىنداعى جەتىستىكتەردىڭ كورسەتكىشى دەپ باعالادى.
“مەن 45 جىلدان استام ۋاقىت ۇستاز، ادىستەمەلىك كابينەتتىڭ ادىسكەرى، مەكتەپ باسشىسى بولىپ قىزمەت اتقاردىم. استانا قالاسى ارداگەرلەر كەڭەسىنىڭ مۇشەسى رەتىندە 2025-2026 جاڭا وقۋ جىلىنىڭ الدىندا ءوزىمنىڭ وي-پىكىرىمدى بولىسكىم كەلەدى. كوپتەگەن جاقسى وزگەرىستەردى ەستىپ-ءبىلىپ، قۋانىپ وتىرامىن.
بىرىنشىدەن، پرەزيدەنتتىڭ تاپسىرماسى نەگىزىندە اشىلعان «كەلەشەك مەكتەپتەر» جوباسىن ارداگەرلەر كەڭەسىنىڭ مۇشەلەرى كوزىمەن كورىپ، ريزا بولدى. «كەلەشەك مەكتەپتەر» قۇرىلىمىندا بالالارعا جاقسى جاعداي جاسالىپ، ءبىلىم ساپاسى مەن تاربيە جۇمىسى ەرەكشە جانداناتىنى ءسوزسىز. ۇستازدار قاۋىمى بالالاردى جاقسى كوڭىل-كۇيمەن قارسى السا، ودان ارتىق نە كەرەك؟!
ەكىنشىدەن، ء بىلىم سالاسىندا كوپتەگەن رەفورمالىق وزگەرىستەر بولدى، پرەزيدەنتتىڭ قولداۋىمەن مەكتەپكە دەيىنگى ءبىلىم بەرۋ مەكەمەلەرى، بالاباقشا تاربيەشىلەرىنىڭ قوسىمشا جالاقىسى ءوستى. «پەداگوگ مارتەبەسى» زاڭى اياسىندا ءبىرشاما جۇمىس اتقارىلىپ، ىسكە اسىپ جاتقانىن حالىق كورىپ، وڭ باعاسىن بەرىپ كەلەدى. قانشاما ۇستازدى قولداپ، بۇرىن ماراپات جەتپەيتىن تۇكپىردە ورنالاسقان مەكتەپ پەداگوگتەرىنىڭ شىنايى ەڭبەگىن باعالادىڭىز. مۇنىڭ ءبارى ءسىزدىڭ ۇستازعا دەگەن شىنايى كوڭىلىڭىز، زور قۇرمەتىڭىز دەپ بىلەمىز!” دەگەن ارداگەر ۇستاز وقۋشىلارىمىزدىڭ حالىقارالىق وليمپياداعا قاتىسىپ، جەڭىسپەن ورالۋى - مۇعالىمدەردىڭ ەرەن ەڭبەگىنىڭ ارقاسى ەكەنىن تىلگە تيەك ەتتى.
سونداي-اق كۋنۋمبالا يزتولەۋوۆنا ءوز جازباسىندا وقۋشىلاردىڭ مينيسترگە حات جازىپ، ولاردىڭ زاماناۋي تۇردە ءوز ويلارى مەن پىكىرلەرىن اشىق، ەركىن جەتكىزگەنى - اسا ماڭىزدى ساتتەردىڭ بىرى ەكەنىن اتاپ ءوتتى.
“حات ارقىلى جاس ۇرپاقتىڭ وي-ارمانى، العا قويعان ماقساتتارى، وزىندىك كوزقاراسى، ۇسىنىستارى ايقىن كورىندى.
مەكتەپ باسشىلارىمەن دە بىرنەشە رەت كەزدەسۋ وتكىزدىڭىز، وسى سالادا، باسقارۋ ىستەرىندە كوشباسشىلىق تاجىريبەسى بار قايراتكەر، ارداگەر ۇستازدار ا. بيمەندينا، ج. قاسىمبەكتىڭ جاس باسشىلارمەن كەزدەسۋى ءبىلىمدى جاس ماماندارعا قولداۋ، سۇيەمەلدەۋ رەتىندە سەپتىگىن تيگىزدى ءارى تالىمگەرلىك جۇيەنىڭ زاماناۋي دامۋ ساتىسىن كورسەتتى.
ال اتا-انالارمەن كەزدەسۋدىڭ ءجونى بولەك، اسەرى ايرىقشا. ءار بالانىڭ تىنىس-تىرشىلىگى، كوڭىل كۇيى وتباسىنداعى احۋالعا بايلانىستى، سول سەبەپتى مەكتەپتەردە اتا-انالاردىڭ قولداۋىنسىز ول جۇمىستىڭ ناتيجەسى بولمايدى. بارلىق ماسەلە وتباسىنداعى تاربيە مەن مەكتەپ ءتالىمىنىڭ بىرلەسكەن ىنتىماقتاستىعىندا دەپ بىلەمىز.
استانالىق ارداگەر، قايراتكەر ۇستازدار قاۋىمى اتىنان قازاقستان رەسپۋبليكاسى وقۋ-اعارتۋ مينيسترلىگىنىڭ اتقارعان جۇمىستارى مەن جوبالارى جالعاسىن تابادى دەپ سەنەمىز!”، دەپ جازدى كۋنۋمبالا يزتولەۋوۆنا.
