اقتاۋ قالاسىنداعى نازارباەۆ زياتكەرلىك مەكتەبىنىڭ ينفورماتيكا ءپانى مۇعالىمى ايجان ەرجانوۆا گرەكيانىڭ افينا قالاسىندا وتكەن 23-ءشى International Conference on Mobile Systems and Pervasive Computing (MobiSPC-2026) حالىقارالىق كونفەرەنتسياسىنا قاتىستى.
18-20 تامىز كۇندەرى وتكەن حالىقارالىق عىلىمي جيىندا ۇستاز «Developing Students’ Research Skills through STEM Education in the Context of the Internet of Things» تاقىرىبىنداعى زەرتتەۋ جۇمىسىن تانىستىردى. زەرتتەۋ جۇمىسى STEM ءبىلىم بەرۋ اياسىندا وقۋشىلاردىڭ زەرتتەۋشىلىك داعدىلارىن دامىتۋعا جانە IoT (Internet of Things) تەحنولوگيالارىن وقۋ ۇدەرىسىندە ءتيىمدى قولدانۋعا باعىتتالعان.
كونفەرەنتسيا قورىتىندىسى بويىنشا ۇسىنىلعان عىلىمي جۇمىستار Elsevier باسپاسىنىڭ Scopus حالىقارالىق دەرەكتەر بازاسىندا يندەكستەلەتىن Procedia Computer Science عىلىمي باسىلىمىندا جاريالانباق.
حالىقارالىق كونفەرەنتسياعا قاتىسۋدىڭ تاعى ءبىر ماڭىزدى ناتيجەسى - اقش-تىڭ تەحاس شتاتىندا 1-4 جەلتوقسان كۇندەرى وتەتىن International Workshop on Advances in Multimodal Learning شاراسىنا زەرتتەۋ جۇمىسىن تانىستىرۋعا ارنايى شاقىرتۋ الدى.
