«جۇرەگى توقتاپ قالىپتى» – سوڭعى جىلدارى ەڭ كوپ ەستىلەتىن، بىراق ەڭ از زەرتتەلەتىن اۋىر سوزدەردىڭ ءبىرى.
تانىس، تۋىس، دوس-جاران اراسىنان بىرەۋىنىڭ ومىردەن وتكەنىن ەستىگەندە، سول باياعى تانىس جاۋاپ:
– جۇرەگى توقتاپ قالىپتى…
وسى ءبىر سويلەم بۇگىندە قالىپتى جاعدايعا اينالىپ كەتكەندەي. ءبىر ساتكە ءۇنسىز قالامىز، «جاس ەدى عوي»، دەيمىز. جۇرەك – ادامنىڭ ەڭ اياۋلى، ەڭ نازىك، ەڭ ماڭىزدى اعزاسى. اباي اتامىز ايتپاقشى، ء«تىرى ادامنىڭ جۇرەكتەن اياۋلى جەرى بولا ما؟» دەسە دە، ءبىز ءدال وسى اياۋلى جۇرەكتى ءجيى-ءجيى جوعالتىپ ءجۇرمىز. نەگە؟
ستاتيستيكاعا كوز سالساق، قازاقستاندا جۇرەك-قان تامىرلارى اۋرۋلارى ءولىم سەبەپتەرىنىڭ ەڭ جوعارعى قاتارىندا تۇر ەكەن.
بۇرىن جۇرەك دەرتى 60 جاستان اسقان كىسىلەرگە ءتان بولسا، قازىر بۇل دەرت 30–40 جاستاعى ازاماتتار اراسىندا دا جيىلەپ وتىر. بۇل – حالىق دەنساۋلىعى ءۇشىن دابىل قاعارلىق قاۋىپتى دە قايعىلى جاعداي.
قوعام رەتىندە ءبىز وسى اۋىر قۇبىلىسقا بەي-جاي قاراپ بارا جاتقاندايمىز.
«جۇرەگى توقتاپ قالىپتى» دەگەن ءسوز ءبىز ءۇشىن بەينە ءبىر تابيعي اجال سياقتى ەستىلەتىن بولدى.
تالاي جاننىڭ قابىرعاسىن قايىستىرىپ بۇگىن عانا ارامىزدان كەتىپ وتىرعان بەلگىلى جۋرناليست، اقكوڭىل، اقجارقىن ازامات مۇحتار تۇمەنباي دا وسى دەرتتىڭ “تۇزاعىنا” تۇسكەن دەيدى. «جاس ەدى عوي»، «جاپ-جاقسى-اق جۇرگەن ەدى عوي» دەپ، ءبىز وتىرمىز...
اللا الدىڭنان جارىلقاسىن، اياۋلى مۇحا!
