"ابدي يبراگيم گلوبال فارم" كومپانياسىنىڭ باس ديرەكتورى زياتحان گاسانوۆ كوز جۇمدى. بۇل تۋرالى مەملەكەتتىك كوميسسيانىڭ جەدەل شتابى حابارلايدى.
"ول العاشقىلاردىڭ ءبىرى بولىپ، قازاقستاندىقتار مەن مەديتسينا قىزمەتكەرلەرىنە كوروناۆيرۋسپەن كۇرەسۋگە كومەكتەستى. وكىنىشكە قاراي، قاۋىپتى ىندەتتىڭ قۇربانى بولدى", - دەلىنگەن جەدەل شتابتىڭ Telegram-كانالىندا.
"زياتحان احمەدوۆيچ ءوز ءىسىنىڭ كاسىبي مامانى ەدى. ول ەلىمىزدىڭ فارماتسەۆتيكا سالاسىنىڭ دامۋىنا ۇلكەن ۇلەس قوستى. سونداي-اق، ءوزىنىڭ اۋرۋىنا قاراماستان COVID-19 ۆيرۋسىمەن كۇرەسۋگە بار كۇشىن سالدى. تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ وڭىرلىك دەپارتتامەنتەرىندەگى مەديتسينا قىزمەتكەرلەرىن قورعانىش زاتتارىمەن قامتاماسىز ەتتى", - دەلىنگەن حابارلامادا.
"ابدي يبراحيم گلوبال فارم" – قازاقستان مەن تۇركيانىڭ بىرلەسكەن كاسىپورنى. كومپانيا يەلەگىنە الماتى وبلىسىنداعى ءدارى-دارمەك شىعاراتىن زاۋىت كىرەدى.
