استاناداعى University Medical Center (UMC) ەكس-پرەزيدەنت نۇرسۇلتان نازارباەۆتىڭ جۇرەگىنە وتا جاسالعانى تۋرالى اقپاراتتى جوققا شىعارمادى، دەپ حابارلايدى "ادىرنا" ۇلتتىق پورتالى.
قازتاگ رەداكتسياسىنىڭ حابارلاۋىنشا، جۋرناليستەر جولداعان ساۋالعا جاۋاپ بەرگەن UMC ءباسپاسوز قىزمەتى بۇعان دەيىن باق-تا تاراعان مالىمەتتىڭ «ەسكىرگەن ءارى وزەكتىلىگىن جوعالتقانىن» مالىمدەدى.
«قوعامدى جاڭىلىستىرماۋ ءۇشىن شىندىققا سايكەس كەلمەيتىن نەمەسە وزەكتىلىگىن جوعالتقان اقپاراتتى تاراتۋدان باس تارتۋعا شاقىرامىز»، – دەلىنگەن ورتالىق جاۋابىندا.
ال ەكس-پرەزيدەنتتىڭ جۇرەگىنە جاسالعان وپەراتسيانىڭ ناقتى قاشان وتكەنى ازىرگە بەلگىسىز.
ايتا كەتەيىك، 2023 جىلى ەكس-پرەزيدەنتتىڭ جۇرەگىنە جاسالعان وتانىڭ ءساتتى ءوتكەنى تۋرالى اقپارات تاراعان.
ۇقساس جاڭالىقتار
