يزرايل پرەمەر-ءمينيسترى بينيامين نەتانياحۋ گاستروەنتەريتپەن اۋىرىپ قالدى. الداعى ءۇش كۇندە ول ۇيىندە بولادى. بۇل تۋرالى 20 شىلدەدە ەل ۇكىمەتىنىڭ كەڭسەسى ايتتى، دەپ حابارلايدى «ادىرنا» ءتىلشىسى.
«نەتانياحۋ ءوزىن جايسىز سەزىنگەننەن كەيىن ونى حاداسسا ەين-كەرەم اۋرۋحاناسىنىڭ ىشكى اۋرۋلار ءبولىمىنىڭ مەڭگەرۋشىسى، پروفەسسور الون حەرشكو قاراپ شىقتى. تەكسەرۋ ناتيجەسىندە پرەمەر-ءمينيستردىڭ بۇزىلعان تاعامدى قولدانۋ سالدارىنان ىشەك قابىنۋىنا شالدىققانى انىقتالدى»، – دەلىنگەن حابارلامادا.
قوسىمشا تەكسەرۋلەردەن كەيىن دارىگەرلەر ونىڭ جاعدايىن جاقسى دەپ باعالاعان. قازىرگى ۋاقىتتا ول ەم قابىلداپ جاتىر.
«دارىگەرلەردىڭ نۇسقاۋى بويىنشا پرەمەر-مينيستر الداعى ءۇش كۇندە ۇيىندە دەمالىپ، مەملەكەتتىك ىستەردى سول جەردەن باسقاراتىن بولادى»، – دەپ تولىقتىردى ونىڭ كەڭسەسى.
Times of Israel باسىلىمىنىڭ مالىمەتىنشە، دەنساۋلىق جاعدايىنا بايلانىستى بينيامين نەتانياحۋ وزىنە قاتىستى ىستەر بويىنشا سوت تىڭداۋلارىنا قىركۇيەك ايىنا دەيىن قاتىسپايدى.
ەسكە سالايىق، بۇعان دەيىن اقش پرەزيدەنتى دونالد ترامپتىڭ يزرايل پرەمەر-ءمينيسترى بينيامين نەتانياحۋعا قاتىستى ءىستى دەرەۋ توقتاتۋعا شاقىرعانىن جازعان ەدىك.
