قىرعىزستان پرەزيدەنتى سادىر جاپاروۆ الداعى پرەزيدەنت سايلاۋىنا قاتىسۋ ءۇشىن ورتالىق سايلاۋ كوميسسياسىنا ءوتىنىش بەردى. ول كانديداتۋراسىن ءوزىن-ءوزى ۇسىنۋ تارتىبىمەن تىركەگەن، دەپ حابارلايدى "ادىرنا".
قىرعىزستاننىڭ ورتالىق سايلاۋ كوميسسياسىنىڭ مالىمەتىنشە، 2026 جىلعى 10 قاراشاداعى جاعداي بويىنشا پرەزيدەنتتىككە كانديدات بولۋعا التى ادام ءوتىنىش بەرگەن.
كانديداتتاردى ۇسىنۋ كەزەڭى 2026 جىلعى 13 قاراشاعا دەيىن جالعاسادى.
ايتا كەتەيىك، قىرعىزستاندا پرەزيدەنت سايلاۋى 2027 جىلعى 27 قاڭتارعا بەلگىلەنگەن. بۇعان دەيىن سادىر جاپاروۆ ەكىنشى مەرزىمگە سايلانۋ ءۇشىن سايلاۋعا قاتىسۋ نيەتىن مالىمدەگەن بولاتىن.
سونىمەن قاتار قىرعىزستاننىڭ ورتالىق سايلاۋ كوميسسياسى الداعى سايلاۋدا العاش رەت قوعامدىق باقىلاۋ ورتالىعىن ۇيىمداستىرۋدى جوسپارلاپ وتىر.
ۇقساس جاڭالىقتار
