بۇگىندە قانت قۇنىنىڭ كوتەرىلۋى كىمدى بولماسىن الاڭداتىپ قويمادى. نە سەبەپتەن قانت كۇرت قىمباتتاپ كەتتى؟ بۇل سۇراققا قازاقستان رەسپۋبليكاسىنىڭ اۋىل شارۋاشىلىعى ءمينيسترى قاراشوكەەۆ ەربول شىراقپايۇلى جاۋاپ بەرگەن بولاتىن.
ونىڭ ايتۋىنشا، ەلىمىزدەگى قانت باعاسىنىڭ ءوسۋى ونىڭ الەمدىك نارىقتاعى قۇنىمەن بايلانىستى.
“ماسەلەن، قۇراق قانتتىڭ باعاسى لوندوننىڭ بيرجاسىندا، ال قانتتىڭ باعاسى بولسا نيۋ-يورك بيرجاسىندا انىقتالادى. قانتتىڭ قۇنى بيرجاداعى ساۋداعا تىكەلەي بايلانىستى. باعانىڭ ءوسۋى - الەمدىك ءۇردىس بولىپ تۇر. سول ءۇشىن، بىزدەگى باعا دا ءوستى”، - دەدى.
زەرتتەۋلەرگە سۇيەنەر بولساق، 2012 جىلى ەلىمىزگە شەتەلدەن 506,9 ميلليون توننا قانت پەن شيكى قانت يمپورتتالعان ەكەن. ال ونىڭ 275,8 ميلليون تونناسى رەسەيدەن اكەلىنگەن.
2022 جىلى باتىس رەسەيگە ۋكرايناداعى سوعىستىڭ باستالۋىنا بايلانىستى سانكتسيالار سالعان سوڭ، رەسەي ساتىلىمداعى ازىق-تۇلىكتەردىڭ كەيبىر تۇرلەرىن جانە قانتتى ەسپورتتاۋدى شەكتەدى. سونىڭ اسەرىنەن، ەلىمىزدىڭ كوپ وڭىرلەرىندە قانتتىڭ باعاسى دا ءوستى.
ال ستاتيستيكا بويىنشا، قازاقستاندا 1 جىل ىشىندە قانتتىڭ باعاسى 60,5%-عا وسكەن.
داۋلەتحانقىزى روزا
