مارات احمەتجانوۆ سىبايلاس جەمقورلىققا قارسى قىزمەتتىڭ توراعاسى بولىپ تاعايىندالدى، - دەپ حابارلايدى "ادىرنا" ۇلتتىق پورتالى اقوردانىڭ رەسمي سايتىنا سىلتەمە جاساپ.
«احمەتجانوۆ مارات مۇراتۇلى قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەت) توراعاسى بولىپ تاعايىندالسىن»، - دەلىنگەن پرەزيدەنت جارلىعىندا.ول باس پروكۋروردىڭ ورىنباسارى قىزمەتىنەن بوساتىلدى. اليك شپەكباەۆ سىبايلاس جەمقورلىققا قارسى قىزمەتتەن كەتتى. مارات احمەتجانوۆ 1964 جىلى 22 جەلتوقساندا دۇنيەگە كەلگەن. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ زاڭ فاكۋلتەتىن بىتىرگەن. ەڭبەك جولىن 1991 جىلى باستادى، سودان كەيىن تەمىرتاۋ پروكۋراتۋراسىندا تەرگەۋشى بولىپ جۇمىس ىستەدى. 1993-1996 جىلدارى - باس پروكۋراتۋرانىڭ جانىنداعى سىبايلاس جەمقورلىققا قارسى ءىس-قيمىل جونىندەگى ارنايى پروكۋراتۋرانىڭ ەرەكشە ماڭىزدى ىستەر جونىندەگى اعا تەرگەۋشىسى، باس پروكۋراتۋرانىڭ ەرەكشە قاۋىپتى قىلمىستاردى تەرگەۋ جونىندەگى باسقارماسى ايماقتىق تەرگەۋشىلەر ءبولىمىنىڭ باستىعى. 1996-1997 جىلدارى - مەملەكەتتىك تەرگەۋ كوميتەتىنىڭ ەرەكشە قاۋىپتى قىلمىستاردى تەرگەۋ ءبولىمىنىڭ باستىعى، مەملەكەتتىك تەرگەۋ كوميتەتى اسكەري تەرگەۋ باسقارماسى ءبولىمىنىڭ باستىعى. 1997-1998 - ىشكى ىستەر مينيسترلىگى اسكەري تەرگەۋ باسقارماسى ءبولىمىنىڭ باستىعى. 1998-2001 جىلدارى - ادىلەت مينيسترلىگى تەرگەۋ دەپارتامەنتى ديرەكتورىنىڭ ورىنباسارى جانە سوت شەشىمدەرىن ورىنداۋ كوميتەتى توراعاسىنىڭ ورىنباسارى. 2001 جىلى - باس پروكۋراتۋرانىڭ تەرگەۋ جانە انىقتاۋ ورگاندارىنداعى زاڭدىلىقتى قاداعالاۋ ءبولىمىنىڭ باستىعى. 2003 جىلدان 2006 جىلعا دەيىن - پاۆلودار وبلىسىنىڭ پروكۋرورى. 2006-2009 جىلدارى - وڭتۇستىك قازاقستان وبلىسىنىڭ پروكۋرورى. 2009-2012 جىلدارى - باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ توراعاسى. 2012 جىلى - قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى توراعاسىنىڭ ورىنباسارى. 2014-2016 جىلدارى - اتىراۋ وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ باستىعى، سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ اتىراۋ وبلىسى بويىنشا دەپارتامەنتىنىڭ باستىعى. 2016 جىلدىڭ 2 ماۋسىمىنان باستاپ قازاقستان باس پروكۋرورىنىڭ ورىنباسارى بولىپ جۇمىس ىستەدى.
"ادىرنا" ۇلتتىق پورتالى
ۇقساس جاڭالىقتار
