قازاقستاندىقتار الەۋمەتتىك جەلىلەردە ءانشى پولينا گاگارينانىڭ كونتسەرتىنە بيلەتتەردىڭ Zakazbiletov.kz سايتىنان جوعالىپ كەتكەنىن بايقادى، دەپ حابارلايدى "ادىرنا" ۇلتتىق پورتالى «گازەتا.ru»-عا سىلتەپ.
ءانشى وسىعان دەيىن استانا قالاسىنداعى كونگرەسس-ورتالىقتا 27 قاراشاعا ءوز كەشىن بەرۋدى جوسپارلاپ، بيلەتتەرگە ساتىلىم اشقان.
الايدا العاشقى جارنامالىق حابارلاندىرۋلاردان كەيىن الەۋمەتتىك جەلىلەردە رەسەيلىك ءارتىستىڭ ونەر كورسەتۋىنە حالىق اراسىندا بويكوت جاريالانىپ، كونتسەرتتى مۇلدە بولدىرماۋ تۋرالى ۇندەۋلەر تاراي باستاعان. سونىمەن بىرگە ءبىر ونلاين-پلاتفورمادا پەتيتسيا جاريالانىپ، وندا ۇيىمداستىرۋشىلاردان كونتسەرتتى وتكىزۋدى توقتاتۋدى تالاپ ەتكەن. پەتيتسيا اۆتورلارىنىڭ ايتۋىنشا، گاگارينانىڭ قازاقستانعا كەلۋى ەل ىشىندە «الەۋمەتتىك شيەلەنىس پەن بولىنۋشىلىككە» سەبەپ بولۋى مۇمكىن.
پەتيتسيا جاريالاعاندار ءانشى گاگارينانىڭ رەسەيدى قولداپ، 2022 جىلى ۋكرايناداعى ارنايى اسكەري وپەراتسياعا اشىق تۇردە ءۇن قوسقانىن ەسكە سالدى. قارسىلىق بارىسىندا مۇنداي ۇستانىم قازاقستاننىڭ رەسمي سىرتقى ساياساتىنا قايشى ەكەنى دە ايتىلدى.
گاگارينانىڭ رەسمي سايتىندا استاناداعى كونتسەرت كۇنى وزگەرىسسىز تۇر.
ال Zakazbiletov.kz سايتىندا بيلەتتەر وشىرىلگەن. ۇيىمداستىرۋشىلار ازىرگە كونتسەرتتىڭ وتپەيتىنى جونىندە رەسمي حابارلاما دا جاسامادى.
ەسكە سالايىق، وسىعان دەيىن قازاقستاندا Jah Khalib (باحتيار مامەدوۆ)-تىڭ كونتسەرتى وتپەي قالعان.
